پرۆژه‌یێ كه‌لتوری ل زانكۆیا دهۆك ب دووماهی هات
ئه‌ڤرۆ، دلڤین ره‌شید:
زانكۆیا ساسك یا بریتانی ب هه‌ڤكاری دگه‌ل زانكۆیا دهۆك و مووسل ئه‌ڤه نێزیكی دو سالا نه كار ل سه‌ر پرۆژه‌یی كه‌لتوری دكه‌ن، د ڤی پرۆژه‌ی دا، نێزیكی سه‌د قوتابیان ژ هه‌موو ئاینان تێدا پشكدار ببوون.
دوهی ب ئاماده‌بوونا دكتۆره سوفیا شه‌هاب ڤه‌كوله‌ر و نوونه‌را په‌یمانگه‌ها گه‌شه‌پێدانا خواندێن كه‌لتوری ژ زانكۆیا ساسك یا بریتانی و به‌رهه‌ڤبوونا نوونه‌رێن سه‌رۆك گرۆپان كو پێكهاتبوون ژ مامۆستایێن زانكۆیێن دهۆك و مووسل پرۆژه‌یێ كه‌لتوری ب دووماهی هات.
دكتۆره سوفیا شه‌هاب ڤه‌كوله‌ر و نوونه‌را په‌یمانگه‌ها گه‌شه‌پێدانا خواندێن كه‌لتوری باس ل گرنگیا ڤی پرۆژه‌ی كر و ته‌كه‌زی ل وێ چه‌ندی كر كو پاراستنا كه‌لتوری ئه‌ركێ مه هه‌مویانه، چونكو ژ به‌ر شه‌ڕان و كۆچكرنێ ئه‌ڤ كه‌لتور ه به‌ر ب ناڤچوونێ ڤه دچیت، له‌ورا فه‌ره بهێته ئه‌رشیفكرن داكو به‌ره‌بابێن نوو مفای ژێ وه‌رگرن.
ل دووڤ دا چه‌ندین قوتابیێن پشكدار ژ ئاینێ موسلمان و ئێزدی و زه‌رده‌شتی و ئه‌رمه‌نی و ئاشور و كلدان و مه‌سیحی و عه‌رب په‌یڤێن خوه پێشكێشكرن، باس ژ مفا وه‌رگرتن و تێكه‌لبوونا پێزانینێن كه‌لتوری كرن.
