پرۆژێ چێكرنا پرا سپنه‌ی د ده‌مه‌كێ نێزیك دا دێ ب دووماهی هێت
ئامێدیێ، مه‌حمود نهێلی
كار د چێكرنا پڕۆژێ چێكرنا پرا سپنه‌ی دا گه‌هشتیه قووناغێن دووماهیێ و د ده‌مه‌كی نێزیك دا دێ سه‌نته‌رێ ناوچه‌داریا دێره‌لۆكێ ب چه‌مێن شێرانكێ و بانیێ ڤه گرێ ده‌ت و كه‌ڤیته د خزمه‌تا خه‌لكێ ده‌ڤه‌رێ دا.
نزمی سه‌یفه‌ددین، ئه‌ندازیارێ سه‌رپه‌رشتێ پرۆژه‌ی بۆ رۆژناما ئه‌ڤرۆ دیار كر كو پرۆژێ چێكرنا پرا سپنه‌ی ل ژێر سه‌رپه‌رشتیا رێڤه‌به‌ریا رێك و پران دهێته بجهـئینان و نوكه د قووناغا دووماهیێ دایه و گۆت: “ئه‌ڤ پرۆژه ژ چێكرنا پره‌كێ ب درێژاهیا 20 میتران و فره‌هیا 5 میتران و هه‌روه‌سا بلنداهیا 5 میتر و بیست سه‌نتیمه‌تران پێك دهێت”.
ناڤهاتی گۆتژی: “به‌ری نوكه ب تنێ پره‌كا پیاده هه‌بوو، لێ نوكه پره‌كا به‌رفره‌ه دهێته چێكرن كو ترۆمبێل د سه‌رڕا بهێن و بچن، گوژمێ 374 ملیۆن دیناران بۆ هاتینه ته‌رخانكرن و ماوێ پرۆژه‌ی ژی 180 رۆژن، لێ به‌ری ده‌مێ بۆ هاتیه دیاركرن ئه‌ڤ پرۆژه دێ ب دووماهی هێت و كه‌ڤیته د خزمه‌تا وه‌لاتیان دا”.
پرۆژێ چێكرنا پرا سپنه‌ی ئێك ژ وان پرۆژێن خزمه‌تگوزاری یێن گرنگه ل سنوورێ ناوچه‌داریا دێره‌لۆكێ ده‌مێ كو جه‌نابێ مه‌سرور بارزانی، سه‌رۆكێ حكومه‌تا هه‌رێما كوردستانێ سه‌ره‌دانا ده‌ڤه‌رێ كری و رازیبوون ل سه‌ر كربوو.
