پرۆژێ چاكسازیێ بۆئهزمۆنێ یه؟!
ئهڤه نه دژایهتیه دژی بریارا جهنابێ ههوه یێن بهریز بهلكۆ دڤیا، بهری پێنچ سالان ئهڤ بریاره ههوه ب كارئینابا، لێ ب تنی بۆ لاپهرهكی ژ لاپهرێن دیرۆكێ و راگههاندنێ.
ئهو داخوازی و حهزا خهلكی نینه بهێین و شێوه و ههلۆیستێ بیانیان ل سهر كوردان و كوردستانێ بشێۆینن، لێ نهچارین دبرسینه.. برسی.. ، كورد دهما پهنا وههولێ ددهته بهر نهرازیبوونێ واته لۆتكهیا بێ رازیبوونێه واتا ژیان نهمایه، واته چ ددهت؟ ئاخ و چیا رهمزهیتا خوه نهمایه و تراژیدی دهستپیدكهت، دهما مرۆڤ د مالا خوه دا نهشێت بژیت و پهنا دكهته جادان و پهنا دبهته بهر دهریایان، ئهو هاتنا ل سهر جاددان نه ژ خۆشی یه سهرۆك. وهختێ وهلات دبیته جههنهم و نهشێی د ناڤ چارچووڤێ وی دا ئارام بنڤی، دهمێ وهلاتیی دهێته ل سهر جاددهی شوونا كو ل مال بیت یان ل جهێ كارێ خوه بیت واته نهرههته، ئهڤه ئهزمۆنه یا مه ههموویانه وئهم ههمی تێدا د پشكدارین و مه ههمیان چێكریه و مه نهڤێت، دیسا بكهڤینه دۆخهكا خراب و ڤێ ئهزمۆنی ژ دهست بدهین.. نهخێر. رهخنهگرتنه ل ئهزمۆنا كوردی واتا خۆشبهختیه بۆ داهاتۆیهكێ باشتر. ئهو دهركهتن واتا هندێ یه كو مهنه ڤیت ئهڤ ئهزمۆنه ژدهست مه بچیت سهرۆك. پێداچوونه ل سهر ئهزمۆنا 24 سالان ل پینا و پاشهرۆژهكا باشتر، چاكسازیی واته گوهگرتنه ل خهلكی ودانانا دامودهزگههێن (ئیداریی و پهروهردیی ووهرزشی و پیشهیی و ریكخراوهیی ل بهر پیداچوونی و نوویكرنێ، چو دی بلا میكانیزما چاكسازیێ ل سهر راگههاندنێ ب تنێ نهمینت. رهخنهگرتنه واته شهرهف زێندبوونا ڤێ ئهزمۆنی رادگههینت واته پێویسته پێداچوون ب كهسایهتیا كورد و دهزگههێن كوردی دهستپێبكهت نهرازیبوونا خهلكی واته نوویكرنا ژیوارهكێ مری زێندی بكهته ڤه و نووی و تازه بكهت. چو ئهزمۆنهك ل چو قولاچكهكا دونیایێ زێندی نامینت ههكه نهشیا شیانێن خوه و ئهندامێن خوه و ب تایبهت پهیوهندیێن ل سهر ئاستێ ملكهچی و دوباره نهریتان نوو نهكهته ڤه. واته ملكهچیا كۆمهلگهههكا داخستی بۆ كۆمهلگهههكا ئازاد و دروستكرنا تاكهكێ نه دروست داخوازا مافێ خوه بكهت، واته خهلكی ژیانكها گشتی دڤێت ههموو خهلك نه بنهمشهخۆر و ل سهر داهاتێ حوكمهتی بژین بهلكو خوه دبیته پشكهك ژ پرۆسا برێڤهبرنا جڤاكی وچو دی بلا وهلاتی پاشگونههاڤێن. رهخنهگرتنا ئهزمۆنا كوردی واته داینمۆیا بهردهوامیا ڤێ ئهزمۆنی یه، لێ ب شێوازهكێ ئادیلانه. نه رهزایهتیا خهلكی واته ههستكرنا وی ب شێوازێ نهیهكسانیا وی ل گهل دوروبهری و ئهندامێن كو ڤی وهلاتی برێڤه دبهن چاوا وهلاتیهك 10 ملیۆنان وهربگریت و وهلاتیهك 400 هزاران وهربگریت، ههردو مرۆڤن ههردو كوردن ههردویان خهبات یا كری حوكمهت واته بابێ مللهتێ ئهم ب نهرایبوونا خوه دبێژن ئهڤ رهفتاره دشاشن وهره نۆرمهكا دی دانین یان یاسایهك دانین ئهز وتو و ئهم ههمی چاوا تێدا بژین ب خۆشی و داخوازا شێوهیێن دی دكهین ژ رێڤهبرنا وهلاتی، یا مه دڤێت بگههینن ئهوه ئهم شانازیا خوه ب ئهزمۆنا كوردی بكهین و دیسا قانوون و دهستههلاتێ بكهینه وزهیهك بۆ رێڤهبرنا قانوونێن ژیانا جڤاكی و ئیداری، چونكو دڤێت ڤێ جاری چاكسازی بێته كرن و پرۆژهكێ راستهقینه بیت وی دهمی دێ پاشهرۆژهكا گهش ل هیڤیا مه بیت.
