پرۆژەیەكێ نێرگزان ل مالا خوە دانایە
سەباح زوهێر:
داود محەمەد، گەنجەكێ ئاكنجیێ گوندێ باشقال ئاغایە ل دەڤەرا ئاكرێ، دەرچۆیێ كولێژا چاندنێ یە، بەری چەند سالان رابوویە ب چاندنا جۆرەكێ نێرگزان ل ناڤ مالا خوە و نوكە وەكو پرۆژەیەكێ بچووك لێ هاتیە و داهاتەك بۆ ژێ دهێت.
ناڤهاتی بۆ رۆژناما ئەڤرۆ دبێژیت: پشتی من كولیژا چاندنێ ب دووماهی ئینای، من حەزكر كارەكی بكەم گرێدای تایبەتمەندیا من بیت، لەورا هزرا چاندنا نێرگزان دناڤ مالدا بۆ من چێبوو، پشتی من دەستپێكری و هاتینە بەرهەمی بۆ من دیاربوو كو زەحمەتا من ب هەروە نەچوو، چنكو نێرگزا ئاكرێ یا بەرنیاسە و خواستەكا زۆر ل سەر هەیە و ل هەموو جهان دهێن دكڕن، چنكو بێهنا وێ گەلەك یا خۆشە و دەمێ مرۆڤ د دانیتە دمالا خوە پێ ئارام دبیت.
