پرۆژەیەكێ گەشتیاری دێ ل دەوروبەری سكرێ دهۆكێ هێتە چێكرن
ئەمیر ئەترووشی:
جێگرێ پارێزگارێ دهۆكێ دیاركر، ئەڤ سالە دێ دەست ب پرۆژێ كورنیشێ سكرێ پارێزگەها دهۆكێ هێتـە كرن و نوكە رازیبوون ل سەر بجهئینانا وی پرۆژەی هاتیە كرن و گۆت ژی: حوكمەتا هەرێما كوردستانێ دێ پرۆژێن خزمەتگوزاری بۆ جهێ گەشتیاریێ بەنداڤا دهۆكێ بجهـ ئینیت و گوژمەكێ پارەی ژی هاتیە تەرخانكرن لێ هیشتا پرۆژە دگوهۆرینێ دایە و بەردەوام كار دێ هێتە كرن كۆ باشترین پرۆژێ گەشتیارێ ل بەنداڤا دهۆكێ بهێتە چێ كرن و بكەڤیتە دخزمەتا پارێزگەها دهۆكێ دا».
ماجد سەید سالح، جێگرێ پارێزگارێ دهۆكێ بۆ رۆژنامەیا ئەڤرۆ راگەهاند، قۆناغا ئێكێ یا جوانكاریێ بۆ كورنیشێ بەنداڤا پارێزگەها دهۆكێ دێ دەست پێكەت د قۆناغا ئێكێ دا دێ روناهی و خزمەتگوزاری هێنە دابین كرن، پاشێ دێ وەبەرهێنەر دەست ب كارێ چێ كرنا ئوتێل و مۆتێل وخارنگەهـ و كافتریا كەن، نوكە رازیبوون ل سەر وی پرۆژەی هاتیە كرن و دێ ب‌رووبەرەكێ مەزن هێتە چێ كرن «.
ئاشكرا كر، حكومەتا هەرێما كوردستانێ دێ پرۆژێن خزمەتگوزاری بۆ جهێ گەشتیاریێ بەنداڤا دهۆكێ بجهـ ئینیت و گوژمەكێ پارەی ژی هاتیە تەرخانكرن لێ هیشتا پرۆژە دگوهۆرینێ دایە و بەردەوام كار دێ هێتە كرن كۆ باشترین پرۆژێ گەشتیارێ ل بەنداڤا دهۆكێ بهێتە چێ كرن و بكەڤیتە دخزمەتا پارێزگەها دهۆكێ دا».
