پشتى بۆرينا 20 سالان ژنوو ديمه‌نێ ژێبريێ فلمێ تايتانيك دێ هێته نيشاندان
ئه‌ڤرۆ نيوز:
ل بيرهاتنا 20 ساليا نيشاندانا فلمێ “تايتانيك” ئه‌ڤ فلمێ رۆمانسى دێ دووباره ل سه‌ر شاشێن سينه‌ما جيهانى ل ده‌سپێكا كانوونا ئێكێ يا ئه‌ڤ ساله هێته نيشاندان.
جێمس كاميرۆن ده‌رهێنه‌رێ فلمى يێ كو خه‌لاتێ ئۆسكار وه‌رگرتى سه‌رسورهێنه‌ريا خوه هه‌مبه‌ر وان هه‌موو حه‌زژێكه‌رێن فلمى ل سه‌رانسه‌رى جيهانێ ده‌ربڕى و گۆت: “هنده‌ك راستڤه‌كرن د هنده‌ك ديمه‌نێن فلمى دا هاتيه كرن، هنده‌ك ديمه‌ن ژى سه‌ر ژ نوو ل سه‌ر فلمى هاتينه زێده‌كرن يێن كو به‌رى 20 سالان ژ ئه‌گه‌رێ كاودانێن وى نه‌هاتينه نيشاندان”.
كاميرۆن ئاشكه‌را كر كو ئه‌و ديمه‌نێ به‌رى 20 سالان نه‌هاتيه نيشاندان قاره‌مانا فلمى كيت وينسليت “رۆز” نيشان دده‌ت پشتى ده‌ركه‌فتن ژ گه‌شتيا بچووك و ب تنێ ده‌ما دچيت د ناڤ ئه‌و كه‌سێن رزگاربووى دا دگه‌ريت پشتى مرنا خۆشتڤيێ خوه ليوناردۆ دى كابريو “جاك” دا.
كاميرۆن ته‌كست ل سه‌ر وێ چه‌ندێ كر كو فلم دێ يێ ئاماده بيت بۆ نيشاندانێ ل سه‌ر شاشێن سينه‌مايێ ل وه‌لاتێن ئێكگرتى يێن ئه‌مريكا ل ده‌سپێكا هه‌يڤا بهێت ب كوالێتيا “2D” و دێ ل سه‌ر 20 مالپه‌ران ژى ب كوالێتيا “3D” ل به‌ر ده‌ست بيت.
