پشتى سێ رۆژێن بێ سه‌روشینى ئه‌ڤرۆ ترۆمبێلا وى ب ره‌نگێ سور ل بنارێ مەقلوب هاتە دیتن
ئه‌ڤرۆ نیوز ، بارزان مزوورى:
یاسین محه‌مه‌د،خزمێ كه‌سێ بێ سه‌روشین ل كومه‌لگه‌ها چره دیار كر كو ل رۆژا ئه‌ینى ده‌مژمێر 5 سپێدێ 18/5 زاڤایێ من بناڤێ”محه‌مه‌د شه‌عبان ئیبراهیم” ژ دایك بویێ 1972 بابێ 7 زاروكانه ل مال ده‌ركه‌فتیه موبائیلا وى داخراوه نه‌ڤه‌گه‌ریایه مال ، محه‌مه‌د شه‌عبان كارێ ڤه‌گوهاستنا وه‌لاتیان دكر ب ترومبێله‌كا ژ جورێ سوناتا ره‌نگێ ره‌ش تایبه‌ت ژماره “60116” دهوك ل قه‌زا شێخان بو هه‌موو جهێن وه‌لاتى لێ دهێن ڤه‌گوهاستن د نها دا ترومبێلاوى هاتیه دیتن ب ره‌نگێ ره‌ش .
ناڤهاتى خویار كر كو محه‌مه‌د شه‌عبان ژ دایا بویێ 1972 ئاكنجیێ كومه‌لگه‌ها چره‌یه سه‌ر ب قه‌زا شێخان ڤه خێزانداره بابێ 7 زارۆیانه داخواز ژ هه‌ر كه‌سه‌كێ دكه‌ین تایبه‌ت ده‌زگه‌هێن ئه‌منى و رێیا ده‌زگه‌هێن راگه‌هاندنێ هه‌ر كه‌سێ ده‌نگویێ دیتنا وى بگه‌هیتێ بگه‌هینته مه .
یاسین محه‌مه‌د،خزمێ كه‌سێ بێ سه‌روشین ل كومه‌لگه‌ها چره بو ئه‌ڤرۆ نیوز دیار كر كو ئه‌ڤرۆ مه‌غره‌ب ترومبێلا محه‌مه‌د شه‌عبان ل گوندێ به‌رازى ل بنارێ چیایێ مه‌قلوب سه‌ر ب ناحیا زێلكان ڤه هاتیه دیتن .
ناڤبرى دیار كر كو ترومبێل ب ره‌نگێ سور هاتیه بویاغكرن ره‌نگێ وێ یێ ره‌ش بو هاتیه گهورین بو ره‌نگێ سور و ژمارا وێ ژى ژێڤه‌كریه ،محه‌مه‌د ژى یێ بێ سه‌روشینه چ شینوارێن محه‌مه‌د ل سه‌ر ترومبێلێ دیارنه‌بووینه .