پشتى چاڤه‌رێكرنه‌كا درێژ بریاره سوبه هه‌ڤركى ده‌ست پێ بكه‌ن
ئه‌ڤرۆ ، هه‌ژار مه‌عروف:
چاڤه‌رێ دهێته‌كرن سوباهى و رۆژا ئه‌ینا بهێت هه‌ڤركیێن خولا لاوان و تازه‌پێگه‌هشتیان یا هه‌رێما كوردستانێ یا ته‌پا پێێ ده‌ستپێبكه‌ن پشتى هه‌ردو خول ماوه‌كێ درێژ هاتینه پاشخستن ژبه‌ر قه‌یرانا دارایى و بریاره سوباهى هه‌ڤركیێن خولا لاوان بهێنه ئه‌نجامدان .
د یاریێن كوما ئێكێ دا لاوێن دهۆك دێ مێڤانداریا لاوێن یانه‌یا هه‌ولێرێ كه‌ت و لاوێن زێره‌ڤانى هه‌مبه‌رى لاوێن برۆسك كه‌ت و زاخۆ به‌رامبه‌ر پێشمه‌رگا هه‌ولێرێ كه‌ن ل یاریگه‌ها زاخۆ د هه‌مان كوم دا هه‌ندرین دێ به‌رامبه‌ر برایه‌تى كه‌ت.
لسه‌ر ئاستێ خولا تازه‌پێگه‌هشتیان د چارچوڤێ كوما دوێ دا تیما زاخۆ دێ مێڤانداریا زێره‌ڤانى كه‌ت و دهۆك ل گه‌ل گاره كه‌ت ل یاریگه‌ها سیێ یا دهۆكێ.
هه‌ژى گوتنێ یه ئێكه‌تیا ناڤه‌ندى یا هه‌رێما كوردستانێ شێوازى هه‌ردو خولێن لاوان و تازه‌پێگه‌هشتیان گوهورى یه لسه‌ر ئاستێ لاوان تیمێن پشكدار هاتینه به‌لاڤه‌كرن لسه‌ر دو كوما و ل سه‌ر ئاستێ تازه‌پێگه‌هشتیان تیمێن پشكدار هاتینه به‌لاڤه‌كرن لسه‌ر سێ كوما.
