پشتى 10 سالان، كون ئاڤا گه‌لیێ زێوه‌ى په‌قى
ئه‌ڤرۆنیوز،سه‌باح زێبارى:
عه‌كان عه‌بدالسلام ئێك ژ وه‌لاتیێن ده‌ڤه‌را نه‌هلێ یه بۆ ئه‌ڤرۆ نیوز دده‌ته دیاركرن كو ژبه‌ر ئه‌و رێژا باران بارینا زور كو ئه‌ڤ ساله ده‌ڤه‌ر ڤه‌گرتى هژماره‌كا زور یا یا كانیێن ئاڤێ په‌قین و ئاڤ ب شێوه‌كێ به‌رچاڤ زێده‌بوو.
ناڤهاتى به‌حس ل كانیه‌كا ئاڤێ دكه‌ت ل گه‌لیێ زێوه‌ى دبێژیت : گه‌لیێ زێوه‌ى كو دكه‌ڤیته سه‌رێ گوندێ ئه‌رتونێ دا كانیه‌ك لێ هه‌یه، ئه‌ڤ كانیه یا ل به‌ره‌كێ مه‌زندا و نزیكى 10م یا بلنده، كو یا به‌رنیاس(كون ئاڤ)، ئه‌ڤ كون ئاڤه گه‌له‌ك یا ب زه‌حمه‌ته هه‌تا كو ب په‌قیت و ئاڤ ژێ ده‌ركه‌ڤیت، ئه‌ڤه نزیكى 10 سالانه ئه‌ڤ كون ئاڤه نه په‌قه‌یی یه، لێ شه‌ڤێ دى پشتى وێ پێلا زور یا بارانێ ئه‌و كانى په‌قی و ئاڤه‌كا جوان لێ ده‌ردكه‌ڤیت.
هێشتا گۆت : ئه‌ڤ كون ئاڤه یا ده‌مكى یه و ل وه‌رزێ زڤستانێ دپه‌قیت و ل دوماهیا وه‌رزێ بهارێ دهێته راوه‌ستاندن، ده‌مێ ئه‌ڤ كون ئاڤه په‌قی ئه‌و نیشانێن وێ چه‌ندێ نه كو د وێ سالێ دا رێژه‌كا باش یا بارانێ باریه و ئاڤ ب شێوه‌كێ به‌رچاڤ به‌ر ب زێده‌بوونێ دچن.
