پشتگوهـ هاڤێتنا چارەسەریا “ توشپیا تاپرۆید“ هندەك نەخۆشیێن دی زێدەدبن
بەرپەرێ ساخلەمیێ:
د.شهرام عزیز میرخان، تایبەتمەندێ نەخۆشیێن دل و هناڤا دیاركر كو توشپیا تاپرۆید (غدة اليرقية) بەرپرسە ژ دەردانا هورمونێ سایروكسین و ئەو هورمون گەلەك كارێن گرنگ بۆ مرۆڤی ئەنجام ددەت، وەكو رێكخستنا لێدانێن دلی و گەرماتیا لەشی و چالاكیێن لەشێ و زێدەباری كوئەندامێ هەرسێ و گۆت: غودە یا هەی زێدە كاردكەت ل دەڤ نەخۆشان و یا هەی كێن كاردكەن، كو دبێژنێ “ غودا تەمبەل” كو نوكە ئەو بەربەلافترە، ژ نیشانێن وێ ( زێدەبوونا كێشا لەشی، وەرمیتا سەروچاڤان، ستوربوونا پیستی، هەروەسا نەساخ پتریا جارا یێ بێ هێزە یان یێ دخەوە، هەروەسا وەریانا پرچێ و لاوازبوونا نینوكان)، نیشانا دیتر ژی نەخۆش دبینیت ئەوژی هەست ب سەرمایێ دكەت، دێ بینی نەوەرزێ سەرمایێ یە و جلكێن ستویر یێن كرینێ.
د.شهرام دیاركر كو هەكە دومدرێژ بوو، هندەك جارا تێكچوونا غودێ كارتێكرنێ ل كوئەندامێ هەرسكرنێ دكەت و قەبزبوونێ پەیدادكەت و گەلەك جارا نەخۆش دێ بۆ قەبزبوەونێ سەرەدانا نۆشداری كەت دێ دووڤچوونێ كەی، رەنگە غودا وی كێم شوولكەت.
هەروەسا دیاركر كو گەلەك جارا ئەگەرێن وێ ل دەڤ نەخۆشی دیارناكەن، ئەگەرێن دیاركری هندەك جارا هەودانێن دومدرێژن و گەلەك جارا ژی رەنگە وەرگرتنا دەرمانان ئەگەر بیت وەكو دەرمانێن دلی یان یێن پەنجەشێرێ، هندەك ژی ژ ئەگەرێ گرتنا تیشكا كو گەلەك جوران دگرن، یان كێمبوونا یودێ و هندەكا ژی نشتەرگەری یێن كرین و پشتی نشتەرگەریێ كو بوویە ئەگەر غودا وی كێم شوول بكەت، هەروەسا ویراسەتێ رۆل هەیە.
د.شهرام دیاركر كو هندەك جارا ئەڤ نەخۆشیە كارتێكرنێن مەزن ل نەخۆشی دكەت، بۆ نموونە لێدانێن دلی زێدەدكەت و دبیتە ئەگەر تووشی نەخۆشیێن دلی ببیت، هندەك ژی تووشی فشارا خوینێ دبن، دگەل ڤێ چەندێ ژی هندەك تووشی لاوازبوونا دەماران دبن كو پێدڤیە ئەو نەخۆشێن ئەڤ كارتێكرنە لێ دیاردبن بەردەوام دەرمانان وەربگرن.
هەروەسا دیاركر كو غودا گەوریێ ئێك ژ وان نەخۆشیاینە كو گەلەك جارا ل دەڤ نەخۆشی ناهێتە دیاركرن، ب تنێ نیشان دیاردبن، بو نموونە كەسەك یێ هەی دێ بێژیت ئەز یێ قەلەو دبم، یان هەردەم یێ خاڤ و سیستەم و بێ زەوقیەك یا ل دەڤ من پەیدابووی و ئەزێ زەر بوویم و زوی ماندی دبیت و خەوا وی تێك دچیت، هەلبەت ب پەیدابوونا ڤان نیشانان پێدڤیە قەستا نۆشدارەكی بكەت داكو بهێتە دەستنیشانكرن و چارەسەری بۆ بهێتەدان.
