پشتی ئاواره‌بووی دو ئامیرێن مۆزیكێ ژه‌نین
سێمێل، دلڤین ره‌شید:
مۆزیكژه‌نێ گه‌نج (حه‌ماده ئیسماعیل) د دیداره‌كێ دا بۆ رۆژناما ئه‌ڤرۆ دیاركر كو ئه‌و ژ دایكبوویی سالا 2003 و خه‌لكێ گوندێ سیبا شێخ خدره، سه‌رب قه‌زا شنگارێ ڤه، ل سالا 2010 ده‌ست ب ژه‌نینا ئامیرێ ئورگێ كریه و یێ به‌رده‌وام بویه هه‌تا 2014 پشتی ئاوه‌ری توركیا بووی، ل وێرێ فێری ئامیرێن بلۆلێ و سازێ ژی بوویه.
ناڤهاتی گۆت: پشتی جینۆسایدا بسه‌رێ ملله‌تێ مه یێ ئێزدی هاتی پتر كارتێكرن ل من بوو كو ل سه‌ر كارێ خوه یێ مۆزیكێ یێ به‌ردوامبم، چنكو من دخواست ب ڤێ رێكی ده‌نگێ ئێش و ئازارێن ملله‌تێ خوه بگه‌هینمه جیهانێ، وه‌ك ئه‌ركه‌كی مرۆڤایه‌تی، له‌ورا من ئامیرێ بلۆلێ هه‌لبژارت چنكو ب هێمنی دهێته ژه‌نین، و بۆ پاشه‌رۆژێ من ل به‌ره ببمه راهێنه‌رێ مۆزیكێ دا گه‌نجێن شنگارێ فێری ژه‌نینا مۆزیكێ بكه‌م و سوپاسیا مالباتا خوه دكه‌م كو به‌رده‌وام پشته‌ڤانێن من بووینه.
