پشتی ئه‌مجه‌د عه‌توانی یاریزانه‌كێ دی یێ هه‌لبژارتیێ ئیراقێ ب ڕێڤه‌یه
د داخویانیەکێ دا ئەندامەکێ دەستەیا کارگێریا یانه‌یا زاخۆ یا وەرزشی بۆ رۆژناما ئەڤرۆ دیار کر ئه‌و بەردەوامن ل سەر لێگەریانا یاریزانان بۆ ناڤ رێزێن تیمێ و رێكه‌فتن دگه‌ل دو ژ وان هاتینه كرن.
زێدەتر دلژار عەدنان گۆت: پشتی پەیوەندیکرنا ئەمجەد عەتوانی و سێ یاریزانێن پیشه‌كار بۆ تیما مه یا ته‌پا پێی ئەوا پشکدار د خولا ئیراقێ دا، د نوکە دا ل هێلا گولپارێز و بەرەڤانیێ ئه‌و كێماسی هه‌می هاتینه چاره‌سه‌ركرن بتنێ ل هێلا ناڤین و هێرشبەریێ کێماسی ماینە ژبەر هندێ ئەم دانوستاندنێ دگەل هەژمارەکا یاریزانێن دیتر دكه‌ین ژ وان دو پێشەکارن و ئێک ژی یەمەنی یە و ئێكێ هه‌لبژارتیێ ئێراقی یە، هه‌رچه‌نده دگەل یێ یەمەنی گه‌هشتینه رێكه‌فتنێ و دەمەکێ نێزیک دا دێ گەهیتە باژێرێ زاخۆ، هەر دیسان ئەم ٨٠٪ گەهشتینە رێکەفتنێ دگەل پیشه‌كارێ بەرازیلی و پێنگاڤه‌كا كێم مایە ب دووماهی بهێت دا کو پەیوەندیێ ب تیما مە بکەت.
ناڤبری گۆت ژی: بۆ چارەسەرکرنا هێلا هێرشبەریێ و ئینانا یاریزانەکێ باش مه ده‌رگه‌هێ دانوستاندنێ دگەل یاریزانەکێ هەلبژارتیێ ئێراقێ ڤه‌كرییه و ب هیڤیینە ب گەهینە رێکەڤتنا دووماهیێ كو هاتنا وی دێ هێزه‌كا مه‌زن ده‌ته تیما مه و بەر ب قۆناغەکا دیتر ڤە چیت.
دلژار عه‌ندنانی گۆت ژی: یاریزانەکێ پێشەکار هەتا نوکە ژلایێ لژنه‌یا ئینانا یاریزانان لێگەریان بەردەوامە و هەتا نوکە چو یاریزانەکێ ب وی ڕەنگی ب دەست مە نەکەڤتیە کو لدویف خاستەکا مە بیت .
