پشتی ئەنفالێن رەش ب بڕیارا كۆنگرەیێ 10ێ یێ پارتی مەفرەزەیێن پارتیزانی بەر ب كوردستانێ ڤە هاتن
دیدار، سالار محەمەد دۆسكی:
پێشمەرگێ شورەشا 26ی گولانێ، كەنعان ئسماعیل عەبدوالرحمان باخورنیفی، ناسیار ب كەنعان باخورنیفی، ل سالا 1965ێ ژ دایك بوویە، خواندنا سەرەتایی ل خواندنگەها نەوروز و هەتا قوناغا سیێ ناڤنجی ل قوتابخانا هەوكاری خواندیە، ژ بەر ڤیان و حەزا وی بۆ دوزا رەویا مللەتێ كورد چەكێ شەرەفێ دهەلگریت و دبیتە پێشمەرگە.
پێشمەرگە، كەنعان باخورنیفی، د دیدارەكێ دا ل گەل رۆژناما ئەڤرۆ گۆت: ل دەسپێكا سالا 1984ێ ل قوناغا سیێ ناڤنجی بووم و من تەمام نەكر رۆژەكێ ئەمن هاتە قوتابخانێ و مامۆستا (واركێس) مامۆستایێ مەیێ كوردیێ بۆ گازی من كر و گۆت هەكە تە تشتەك هەبیت دەركەڤە ژ قوتابخانێ چونكە ئەمنا هاتی و من گۆتێ چەوا بچم ئەوی رێك نیشامن دا و دەركەفتم ژ قوتابخانێ و ل گەل برایێ خوە گەهشتینە ناف رێزێن پێشمەرگەی ل گوندێ گەرماڤا ل گەل (سەعدی ئوسمان) هەتا ئەنفالان دووڤدا چوومە دەف (محەمەد عەبدوللا حمو) دووڤ چومە رێكخراو نەوروز و دووڤ رێكخراوا كوماتە هەتا ئەنفالان دووڤ دا هاتمە ڤەگوهاستن بۆ لژنا گولان ل دەڤەرا دۆسكی هەتا ئەنفالان و دووڤ دا چووینە كەمپان ل توركیا و چەندین جاران دهێتە دەستەسەركرن و ژ نەچاری توركیا بجهێلا بەرەف ئیرانێ ڤە چوو و ب چەندین رۆژان و قوناغا و ب رێكا دیموكراتا ئیرانێ گەهشتینە مالا سەرۆكی و بەرپرسێ دیوانخانا وی ناڤێ وی (مەلا سەلیم) پێشوازی ل مە كر و سەرێن خوە مە شویشتن و چەندین رۆژان ماین و دووڤ دا ب ترۆمبێلان هاتینە راژان، پشتی كونگرێ 10ێ ل راژان هاتەگرێدان بریار هاتەدان پێشمەرگە بچنە ناف ئاخا كوردستانا عیراقێ ب شێوەكێ پارتیزانی بۆ دوژمنی دیاربكەن كو شۆڕەش دكەڤن بەلێ نامرن ئەڤە پشتی هەوا ئەنفالان دەست پێكر و گەلەكا خوە ڤەكێشا و من خوە هەلبژارت و (د. كەمال
كەركووكی) ئەندامێ كومیتا ناڤین بوو و چەند مەفرەز هاتنە پێكئینان ژ لژنێن (دهۆك، زاخۆ، شێخان، ئامێدی) ل گەل لقێ بخوە ژی بوو ژ (71)ێ پێشمەرگە پێك دهات، چووینە مەكتەبا سیاسی و بەرهەڤی مەكرن و چەكەكێ باش دامە و مە جلكێن باش بخوە كرین و چەند هێستردانە مە و هاتینە مەكتەبا سیاسی جەنابێ سەرۆكی و زەعیم عەلی و سیداد بارزانی دبەرهەڤ بوون و سەرۆكی پەیڤەك پێشكێشی مەكر بەری بدەركەڤین و کەرەمکرن و گۆت: هوون پارتی و مەسعود بارزانی و كوردستانن و نەچن چ رەبیا راكەن و مە نەڤێت خوین ژ تبلا ئێك پێشمەرگە بهێت بتنێ مە دڤێت هوون بۆ دوست و دوژمنێن كوردا دیاربكەن كو شورەش دكەڤن لێ نامرن، ژڤان بوو بچین مەفرەزەكێ ب گوهورین چونكە بتنێ مەفەرەزەكا پێشمەرگەی مابوو ل كوردستانێ ، مە هزر كر سەركردایەتیێ تشتەك زانی وەك گوهورینا سەرهلدانێ و گۆتن هەكە رزگار بووین تشتێ هەوە بڤێت دێ بۆ هەوە هێتەكرن مخابن چارێكا وێ ژی نەهاتەكرن و ئەم هاتینە ژبیركرن.
پێشمەرگە كەنعان باخورنیفی ئەو ژی گۆت: 1/7/1990 ێ ژ چیایێ هاتینە خوارێ شلوڤا بەفرێ ل مەكر و مەفرزێن مە لێك بەرزەبوون و جیهازا كارنەكر دووڤ دا ب جڤرا ڤێكەفتین و ناڤێ شەڤێ یێ درێژ مەدانا و ناڤەكێ نهێنی بوو، چەند گوند مە ب سلامەتی دەربازكرن و ب رۆژ مە خوە بەرزەدكر ل ناڤ چەما و مە هندەك دیتن مە داخازا هاریكاریێ كر كو زانایێ ئاینی و موختاری نیشامە بدن و هندەك خوارنێ بۆ مەبینن و هندەك ترۆمبێل بوومە ئینان و ب دەورا ڤە چووینە تێدا و بەرەف گوندێ(بایێ) چووین هێشتا دنیا زەلال نە ب بوو و خەلكێ گوندی خارنەكا بەرفرەه ئینا و مە خوە ل پشتا گوندی دا هەتا بوویە ئێڤار و جیهازێن مە ڤەمری بوون و سەركردایەتیێ چ دەنگ و باسێن مە نەزانین، پشتی چەند ئامیران خەبتی كاركرن و سەركردایەتیی هاتە ئاگەهداركرن و دووڤ دا چووین بۆ گوندێ(ساتێ) هەمی قەرەقوول بوون و پەكەكە وێربوو و گۆتن دڤێـت گەلەك ب هشیاری بچن و هێسترامە ب بار ڤە قولپی و باش بوو ب هاریكاریا هەڤالان ب سەلامەتی دەربازبووین هەتا گەهشتینە سەری و مە پەیوەندی ب مەفرازا خوە كر كو وەرن دێ گوهورن و ئەم دەه چووینە گەلی بۆ پێ گوهورێ وان و ئەوا پێزانین دانە مە كو دڤێت گەلەك ب هشیاری بچین، پشتی ئەنفالان دڤێت رۆلێ خەلكێ گوندێن باكور و باشور نەهێتە ژبیركرن.
كەنعانی زێدەتر گۆت: مەفرەزە هاتە گوهورین و ئەو چوونە ئیرانێ و مەفرەزەك ئەم 16 كەس دەركەفتین كو بەرەف عیراقێ ب رێكەفتین بۆ دیتنا جهەكی گەلیێ ساتێ گەلیەكێ هشكە و یێ درێژە و پشتی مە گەلی ب دووماهی ئینای مە جهەك دیت چ حوكمەت وێرێ نەبوون بتنێ پەكەكە وێرێ بوو و ئەوان ئەم دیتین و ئەم برسیبووین و هەڤالەكێ مە 17 كادە ڤێبوون و هەر ئێك ژ مە كادەك خوار و دو دو ماینە دناف تراشان را و پەكەكێ ئەم دیتین بەلێ دەینەكر، ب رۆژ ب رێكەفتین بەری ئێڤاری گەهشتینە سنوری و دبرسی بووین و هەڤالێ مەهندەك برنج ئینا و مە ب خاڤی خوار و رویبارێ ئاڤێ بوو و لایێ دی عیراق بوو و چەند هەڤالێن مەلەڤان وەریس دەربازكر و مە پێشمەرگە مە ب وەریسی دەربازكرن و دووڤ دا گەهشتینە گەلیێ شیكە نڤسین و كەیفا خەلكێ گوندی گەلەك ب هاتنا مە هات و ئەرزاق نەما و هەڤالێت مە داچنە ئەرزاقی و قەرەقولێ گرت بوون، د.كەمال كەركووكی گەلەكێ مێربوو و قەرەقوول ئاگەهدار كر هەكە هەڤالێت مە نەهێتە ئازادكرن دێ كاریسەكێ پەیدا كەین چونكە ئەم شەرێ هەوە و پەكەكێ ناكەین بتنێ ئەم دێ دەربازبین و ئەم دەرباز بووین و تەقە دناڤبەرا مە و لەشكرێ عیراقێ دا دروست بوو، د. كەمال عاجز بوو و گۆت بۆچی شەر دروست بوو و دووڤ دا شەر ب دووماهی هات مە جندیەك دەستەسەركر ب برینداری و مە برینێن وی دەرمانكر، د.كەمال كەركووكی گۆتە گوندیا بێژنە قەرە قولێ رێكێ بدەنە مە دێ ژ ڤی سنوری زڤرین و لایەكێ دی دا دەربازبین چ ب شەر چ بێ شەر دڤێت بزڤرین و ئەم نامینە ل ڤێرە و قەرەقولا گۆت بلا دەربازبن و چووین قەرە قولا مەفرەێن خوە ئاگەهداركرن كو رێك بۆ پێشمەرگە بهێتەدان هەتا گەهشتینە (بێتروك) ل دەڤەرا ئەرتووشی یا و قەرە قولەكا مەزن دروپێچ كرین و د.كەمال كەسەكێ ئازا و زانا بوو گۆتێ پێشمەرگەینە دێ چینە عیراقێ د. كەمال گۆتێ دەردورێن هەوە پێشمەرگە نە و دێ شەری كەین و خواست رێك ب مە بهێتەدان و رێك ب مەهاتەدان و ئەفسەرەكێ كورد دناڤا لەشكەرێ توركیا رێك نیشامەدا هەتا گەهشتینە گوندێ(جارمەندا) و مە بارەگایێ خوە ل جهەكی دانا و ئەم هەشت كەس دەرفتین بۆ چوونا ئارزاقی و شەهید (ئدریس) كەفتە سەر مینێ و پێ وی هاڤێت و (خالد) بریندار بوو و بتنێ چەند ساخ ماین و پێشمەرگە تەورا مەهات و ئەڤە مینێن توركا بوون و (دلبرین) دا مینەكێ راكەت پێ ڤە تەقی و چاڤێن وی هەر دو دەركەفتن و بریار هاتەدان كو هەر دو بریندار بهێنە رەوانەكرن بۆ ئیرانێ، دو هێستر ئینان و مە بریندار سواركرن و تووشی گەلەك ئاستنگابووین و هندەك گوندان هاریكاریا مە كر و (د. شێركو) ل گەل هندەك پێشمەرگە ل گەل مەبوون وێرێ بریندارێ مە ئدریس وەغەركر وكاودانێن مە یێن دەرونی تێكچووك و مە ل هەڤالێ خوە یێ بریندار وەغەركرنا هەڤالێ خوە لێ ڤەدشارت و دووڤ دا مە بریندارێ خوە هنارتە وەلاتێ ئیرانێ و جارەكا دی بۆ سنوران ڤەگەریاین ل گەلیێ شیكەیا ماوێ 20 رۆژان ماین و دووڤا زڤرینە مەكتەبا سیاسی ل راژان و ماین هەتا سەرهلدان ل كوردستانێ دەست پێكری.
كەنعان باخورنیفی، ئێك ژ نەخوشترین كاودانێن خوە دیار دكەت و دبێژیت: بریار هات كو شانا شەهید فەرج ئەلندكی عەملیاتەكێ ل جەرگێ دوژمنی دا بكەت، چونكە وی دەمی ل دێرەلوكێ ژی شەر بوو، هەوالگێریا دهۆك هاتە دەست نیشانكرن بوومە ئەم (11) كەس هاتینە راسپاردن بۆ ڤی كاری، دو هەڤالێت مە مانە ل گورستانا شاخكێ و دەمژمێر 8 كێم پێنچ چووینە بەرامبەر و مە ب ئارپیچی یادانێ و بەرسف نەبوو و زڤرینە گورستانا شاخكێ و رەبیا شاخكێ ب دوشكادانا مە و ئەم قورتال بووین وێ كریارێ دهۆك هاتە هەژاندن و ئێزگەی عەملیات بەلاڤەكر.
