پشتی ب گرانی بریندار بوویم 18نشتەرگەری بـۆ من هاتینەكـرن
سالار محەمەد دۆسكی:
2 – 3
رۆژەكێ پسمامەكێ مە هات و گۆت(حەیدەر) هاتیە گوندی و (20) زەلام ل گەل دانە و ئەز و برایێ خوە بلەز چووین و موختارێ مە هەر مامێ مە بوو (عەبدوللا) بابێ من قەستا مالا وی كربوو وەك مەزنەكێ گوندی چوومە هەمی پێشمەرگە دراپیچی نە و ب چەكن و من نەزانی كیشكە بابێ من وی دەمی ژیێ من ب بوو (11) سال و گۆتن ئەڤە بابێ تەیە و بابێ من ژ هەمیان لاوتر بوو و سەركردێ پێشمەرگەی بوو ژ هەمیان ب هەیبەت تربوو و دەمانج تەنشتا وی بوو و ساجور پێڤەنە و كلاشینكوف دەستی دا بوو و ئەم دیتین و كرە گری و ئەم ماچی كرین و كەیفا خوە ب مەئینا و مە هەست پێكر ئەم ب بابین و نێزیكی دەمژمێر (11) شەڤێ بوو بابێ من خاتر ژ مە خواست و مە گۆتێ مە نەهێلە گۆت كوردستان پێدڤی مەیە و دێ رۆژەكێ كوردستان ب سەركەڤیت و دوڤدا دێ ئێك دو بینین و مە هزر نەدكر دێ كوردستان ب سەركەڤیت چونكە مە گەلەك زولم و زورداری یا رژێما بەعس دیت بوو و پشتی حوكمەتا ئیراقێ زانی بابێ من هاتیە گوندی جارەدی حوكمەتا بەعس فەرمانا گرتنا مە دەركر و بەری بهێن ئەم رەڤین چووینە گوندێن (گولێ) چووینە گوندێ (گەڕبەراسكێ) پتر ژ دو حەفتیان ئەم ماینە ل مالا (قەسیم گەڕبەراسكی) مام و پسمام و خەلكێ وی گوندی نەزانی ئەم ل مالا وی دا دڤەشارتینە، دوڤدا چووینە گوندێ(زڤنكێ)و (سلێمانێ نازێ) خودێ ژێ رازیبت گەلەك چاڤێ خوە دامە و من دەست ژ خواندنێ بەردا و كەیف كەیفا من بوو دەمێ مە بابێ خوە دیت و هەمی دەما مالا مەیا ب چەك و مێهڤان و هەر دەم من دڤیا چەكی ب هەلگرم و ئێدی بۆ سالا 1984 شیام چەكی ب هەلگرم چوومە زێرەڤانیێ ل گەل پێشمەرگەی و گەلەكێ بچوویك بووم بوومە (15) سالی و ل گەل مامێ خوە (ئەحمەد سكرینی) گەلەك گەریام، سالا 1985 لژنا دهۆك شەرەفا ئەندامەتیێ دامە وەك پارتی دیموكراتی كوردستان بوومە پێشمەرگە و من ئابونێن خوە دانوی دەمی مە دگۆتێ ئابوونە و گەلەك زەوقێ من خوش بوو، و دەمێ پشكداری چالاكیێن پێشمەرگە دبووم گەلەك كەیف خوش دبووم و ل سالا 1986ێ ئێكەم شەر بوو كەتیمێ ل گوندێ (قارقارەڤا) ئەم چار كەس بوویم (ئەحمەد سكرین، كەریم حەبیب) و ( سەلیم تاها وەرمێلی) بەرگێری مللی بوو ل گەل مە بوو و مە دیت ئەم دناڤا لەشكرێ ئیراقێ داینە و ئەوا ئەم نەدیتی و مە شیا خوە ژ دەستی قورتال بكەین و دووڤ دا مە دەست ب شەری كر و مە دەست ب هێرشێ كر ل هنداڤی گوندێ(قارقارەڤا) و مە ژ دەستا ئینادەر و بوو شەرەكێ مەزن و من چ جاران گولە نەدیت بوو بهێنە من و گەلەك بەركێن تڤەنگا دهاتنە من و چیرچیردكر و من هزركر دەنگێ چیچكانە و مامێ من (ئەحمەد سكرینی) گۆت تەخیرە من گۆتێ دەنگێ چیچكا یێ دهێت بۆ چ چیچكا نابینم وی گۆت ئەو تڤەنگا یێ دانە تە دێ تە كوژن خوە بدە پشت بەری ل سەر بەری نەبە ما تونزانی شەرە و خوە پارێزە وی شەری دا (مستەفا مەمانی) دهێتە شەهیدكرن و شەرەكێ گەلەك مەزن بوو ژ هەمی ئالیان ڤە پێشمەرگە هاتن و هێزەكا مەزن یا بەرگێری مللی یا تەوارا مە هاتن و ئەم شیاین كونترۆلێ ل سەر شەری بكەین، دەمێ پێشمەرگە ئێك ژ ئارەزوویێن من شەر بوون و پشكدار شەران ببم، رێككەفتی 25/4/1987 وی دەمی گوند دهاتنە خراب ژلایێ رژێما بەعس ڤە و ئەز ل گەل رێكخراوا (برادوست) بووم و بەرپرسێ رێكخراوێ (سادق گەلناسكی) بوو ل گوندێ (كورێمێ) ل دەڤەرا دۆسكیا و دەمێ بوویە شەر گەلەك مال ل گوندی بوون و ئەو ژی بخوە رەڤین چوونە ئەڤان نەلان و مە چەپەرێن خوە گرتن و هێزەكا مەزن هاتە گوندی وی دەمی سێ فەوجێن جاشا هاتبوون و چەندین فرۆكە هاتن و هێرشەكا گەلەك مەزن بوو و كەیفا مە گەلەك هات دەمێ دەبابە رەڤین و مە ئارپێچی هاڤێتینێ و شكەستن كەفتیێ ژ گوندی دیركەفتین و دەمێ هەشت فرۆكە هاتین ئێدی مە نەشیا هێرشا بكەین و ئێدی لەشكری و جاشان پێكڤە هێرشی گوندی كر و ئەم سێ پێشمەرگە بووین و مە خوە گەهاندە گورستانا (كورێمێ) هەڤالەكێ مە هەر زووی بریندار بوو بناڤێ (محەمەد كوچەر) ئەم نەشیاین دەربازبین و ئەو فرۆك و دەبابە هاتن و هاڤێتە مە و رەمیەكا مەزن مەكر و ئەز و (گەورو ئەلندی) پێكڤە بریندار بووین و پێشتر هەڤالێ مە (محەمەد كوچەر) بریندار ب بوو و ئەڤی شەری ژ پێنجی سپێدێ هەتا پێنجێ ئێڤاری ڤەكێشا و هەتا گوند هاتیە سوتن و ێرانكرن و (حەسەن ) بریندار بوو و هەتا گوندێ(بابیرێ) یێ ساخ بوو، دوڤدا شەهید بوو و هەتا نوكە گورێ وی ل گورستانا گوندێ(بابیری) هاتیە ڤەشارتن و پشتی بورینا (15) رۆژان برینا من ساخ بوو و جارەكا دی چوومە سەر ئەركێ خوە.
سەلمان شێخ مەمی زێدەتر گۆت: كاك فەریف فاروق بەرپرسێ رێكخستنا لژنا دهۆك بوو و (قادر قاچاخ) بەرپرسێ لژنێ بوو وی دەمی ب مەرەما ئەنجامدانا شەهیانا خوە چوو بوو ئیرانێ و بریار هات گۆتن پێشمەرگە شەری نەكەت، و ئەم چووینە دەڤەرا بەرواری یا و ب هزران خێزان دناڤا ئەوان زەڤیان دایە و هەتا نوكە ئەو خێزانێن مە دیتی كەسەك ژ نەمایە و باوەرناكەم چ زەلام مابن ساخ و كا كی خوە قورتال كریە و ئەم چەند كەسەك بووین و مە خوە گەهاندە سنورێ توركیا ئەم چووینە لایێ دوسكی ژووری یا و ئەم چووینە ناڤ ئاخا توركیا ل (ئاتوشێ) پشتی چەند رۆژان ئەم هاتینە ڤەگوهاستن بۆ (گەڤەرێ) ڤی ماوەی دا من چ دەنگوباسێن دایك و بابێن خوە نەزانین و ئەوێن گەل من ژی چ دەنگوباسێن مال و خێزانێن خوە نەزانین و دیسا ئەوان ژی چ دەنگوباسێن مەنەزانین و پشتی بورینا چەند هەیڤان مە زانی دایك و بابێن مە ساخن و ل كەمپا (مێردینێ) نە و پشتی بورینا شەش هەیڤان ئەم ژ كەمپا (گەڤەرێ) ڤەگوهاستینە كەمپا(مێردینێ) مە ئێك دو دیت و گەلەك خێزان هەتا پشتی سەرهلدانێ ژی چ ژ دەنگوباسێن ئێك دو نەزانین و گەلەك ل كەمپێن جودا بوون و گەلكە ژی ل دهۆك بوو و خێزانێن وان دناڤا كەمپان دا بووینە.
