پشتی داستانا لۆمانا 34 كەس ل گونـدێ مـە هاتنە گرتن
دیدار، سالار محەمەد دۆسكی:
1 – 5
پێشمەرگەیەكێ هەر دو شۆڕەشێن ئیلۆن و گولانێ، چەندین لاپەرێن دیرۆكا خوە یا پێشمەرگاتیێ لادەت و بەحس چەند روودانێن ئەوان سالان دكەت یێ خەبات تێدا دەربازكری، پێشمەرگێ هەر دو شۆرەشێن ئیلۆن و گولانێ (محەمەد ساركی) ژ بنەمالەكا جوتیار و كورد پەروەر ل سالا 1949 ل گوندێ ساركێ هاتیە سەر دونیایێ و هێشتا ل گەنجاتیێ دبیتە پێشمەرگە و پشكداری چەندین شەران و چالاكیان بوویە و هەتا ئەڤرۆ ل سەر هزو خەباتا خوە یێ بەردوامە.
پێشمەرگێ هەردو شۆڕەشێن ئیلۆن و گولانێ محەمەد ساركی د دیدارەكێ دا ل گەل رۆژناما ئەڤرۆ گۆت: ل دەسپێكا شۆڕەشا ئیلۆنێ و پشتی داستانا لۆمانا 35 زەلامان ل گوندێ مە هاتنە گرتن و هەر هەمیێ، بەرهەڤ بووین و ئەڤێن نەبەرهەڤ بووین ئانگو ل گوندی نە قورتال بوون و هەتا بوهارا سالا 1964 هەر 35 زەلامێن گوندێ مە هاتنە ئازادكرن، بابێ من ل گەل دو مامێن من ژی ل گەل گرتیان بوون، پشتی بابێ من ئەو هاتینەگرتن ئەم نەچار بووین بچینە دهۆكێ و مە هندەك تەرش و كەوال هەبوون و هەمی مە فرۆتن و ماوێ سالەكێ ئەم ماینە ل باژێرێ دهۆكێ و دووڤ دا چووینە گوندێ باجلورێ دووڤ دا كاودان تێكچوون و جارەكا دی د گوندێ بێسرێ را ئەم چووینە دهۆكێ و پاشان چووینە گوندێ مەمانێ وی دەمی دووماهی یا وەرزێ پائیزێ بوو و دووڤ دا هاتینە سەر گوندێ خوە ل (ساركێ) وی دەمی هەمی هاتبوو خرابكرن و هەر چ نەهێلا بوو بەلێ جه و وارێ مرۆڤی هەرێ شرینە و جارە دی هەر گوندیەكی لدیف شیانێن خوە بخوە خانی ئاڤاكرن و ئەم ماین هەتا سالا 1965 و جار جار كاودانێن مە نەخوش بوون و ئەم رەڤین، مەعسكرێ حوكمەتێ نێزیكی مە بوو و هەر جار جار بوومە كێشەك دروستكر وی دەمی هوسا بوو وی دەمی ئەگەر ل ئامێدیێ چالاكیەكا پێشمەرگەی هاتباكرن حوكمەت دا ل ڤێرە زیانێ گەهینتە خەلكی و ئەگەر نەقوتا بان ژی دا تڤەكێ كەنێ و بتنێ ئیهانا خەلكی دكر، گەلەك جارا فەرماندەكێ حوكمەتێ یێ نوو داهێتە ڤەگوهاستن بۆ ڤی ماعسكەری و خەلكێ گوندی دا مریشك و فێقی و هندەك تشتا بۆ بەن بتنێ دا خاترا مە بگریت و ئەم ل سەر گوندێن خوە بمینین.
پێشمەرگێ هەر دو شۆڕەشێن ئیلۆن و گولانێ، محەمەد ساركی زێدەتر بەحسێ گرتنا ئەوان 35 كەسێن گوندێ ساركێ دكەت و گۆت: پشتی هاتینە گرتن هەمی ل باژێرێن ئیراقێ هاتبوونە بەلاڤەكرن و هەر هەمی ل دەف ئێك نەبوون و بابێ من بربوو پارێزگەها (ناسریێ) و بەری ببنە ڤێ پارێزگەهێ ل (مویسل) بوو و دەمێ وی باژێری مە سەرەدان بوو هەبوون و پشتی هاتیە ڤەگوهاستن بۆ پارێزگەها (ناسریێ) هاتن و چوون مە نەبوون چونكە مە ششیانێن چوونێ بۆ وێ دەڤەرێ نەبوون و هێشتا گەلەكێ بچوویك بووم و دیسا مە زمان ژی نەدزانی، ئازادكرنا ئەوان كەسان ژی ب لێبورینەكێ بوو و چونكە سالا 1964 دەست هەلات ل ئیراقێ هاتە گوهورین و كوداتا دروست بوو و (عەبدولكەریم قاسم) ژ دەستهەلاتێ هاتەلادان و جارەكا دی بوو شەر وەك پێشتر مە ئاماژە پێكری كو خەلكێ گوندی و كەسایەتیێن گوندی ئێدی تشت بۆ بەرپرسێن مەعسكەری تینان ب وێ چەندێ دا پێلن ئەم ل سەر گوندێ خوە بین چونكە مە دەربەدەری دیت بوو و گەلەك یا نەخوش بوو و هەتا بوویە بەیانا 11ی ئادارێ كادرێن مە هاتن و دەست ب رێكخستنێ كر وی دەمی گەنج بووم و ئەژی هاتمە رێكخستن دناڤا رێكخراوەكێ دا سەر ب لژنا دهۆك یا پارتی دیموكراتی كوردستان ڤە، بیرا من دهێـت دەمێ سەردانا من كرین (مەلا قاسم كوچەر) بوو و بیرا من ناهێـت كی ل گەل بوو و ئەم هەمی كومكرین وەك گەنج و كەسانێ، ناڤ سال ڤە چووین پێشتر حزبی بوون هێشتا سالێن پێنجی و شێستان و پشتی بوویمە حزبی ل سالا 1970 و ئێدی مە پەیوەندی ب حزبێ ڤە هەبوو و مە ئابونێن خوە هەیڤانە دان، ل سالا 1973 مە خوە تۆماركر وەك پێشمەرگە ل گەل هێزا (فارس كورەماركی) و دەمێ 1974 بوویە شەر ئەم چووین و سێ چار هەیڤان ئەم ماینە ل گەلیێ دهۆكێ ، دوڤدا فەرمانا ڤەگوهاستنا مە هات و ئەم چووینە دەڤەرا سوران و ئەم چووینە (ئازادی) یێ دناڤبەرا (حاجی عومەران و چومان) دەڤەرەك هەیە بێژنێ (ئازادی ) ئەم چەند رۆژا ماین و رێكخستن هاتەكرن و چەك بوومە هات و ئەرزاق بوومە هات، پاشی ژوورا هاتینە نێزیك رویبارێ(خانەقا)، دوڤدا بەرێ مە كەفتە گولا (وەرتێ) گەلەك یا درێژە سپێدێ دا چین ب زوری ئەم نیڤرۆ گەهشتباینە سەرێ وێ وی دەمی بەنداڤا (دوكان) حوكمەت تێدا بوو و ئەڤە پپێش وان ڤە بوو و ئەڤجا هەر حەفتیەكێ دا هێنە (خانەقا) جارەكا دی دا ڤەگەرینە بەرۆكێن شەری و هەتا ێنچ شەش هەیڤان ماین و بوو سەرێ زڤستانێ، و دوڤدا هێزەك هاتە جهێ مە و مە دەستیردان وەرگرت وی دەمی وێ دەڤەرێ هەر هەروو شەر بوو، بەری مە هندەك سوران وێرێ بوون و راستە خەلكێ سوران مێرن بەلێ نوزان جهێ شەری بخوە دروست بكەن و دەمێ ئەم چووینە جهێ وان ئەم سەر سورمان بووین ئەوا چەوا ل ڤێرە شەر كریە و بتنێ هندەك بەر پێكڤەنان بوون و پێشمەرگە و حوكمەت گەلەك نێزیكی ئێك ب بوون و هەمی بزاڤێن حوكمەتێ ئەو بووینە ئەون جهان وەربگریت و بەرامبەر پێشمەرگەی هەمی بزاڤكرن جهێن خوە نەبەردەن و ئەم ماوەكێ درێژ ماین و حەفتی نەبوری گەلەك هێرشەكا دوژمنی نەهاتبا و ئەگەر ئەو نەهاتبانە ئەم ل دویڤ شیانێن خوە دا هێرشێ كەین یان دا كەمینەكێ دانین و 400 زەلام ل گەل (فارس كورەماركی) بوو و كەسەك هبوو دگۆتنێ(تاهر گولی) كەسەكێ گەلەك زیرەك و چالاك بوو و ژ كەسێن هەرە دیار و بەرچاف بوو ل گەل بەتەلیونا (فارس كورەماركی) ئەژی ل گەل بووم، دەمێ شەر دروست بوو مە هەمی بزاڤكرن كو كەمینا بدانین و هەر بۆ ماوە ماوە ئەم دهاتینە گوهورین و دەمێ ژ كەمینێ ڤەگەرین دا خارنەكێ خوین و دا جارەكا دی دا چینە شەری و دەمێ هێزێن حوكمەتێ دیت ئەم ژ دولێ دەركەفتین و دێ ژین قەستا شەری كەین دا ب توپا دانەمە و ئەم دا چینە سەری و ئەم ژ تەنشتێ ڤە چووینێ و دوژمن شكەست و ئەم چووینە سەری وی دەمی برازایێ (سلێمان بەندی) شەهید ب بوو و چەند بریندارەك ژی مەدابوون.
