پشتی دکەڤیە داڤێن عشقێ دێ ئەڤ نیشانە ل نک تە دیار بن
ئەڤرۆ نیوز:
دەمێ تو دکەڤیە داڤێن عشقێ دێ ھندەک رەفتاران کەی کو تو نەدشیایی بەری ھینگێ بکەی، دیتنا تە بۆ گەلەک تشتان دێ ھێتە گوھۆرین، رەنگڤەدانا تە ژی بۆ ھندەک ھەلویستان د ژیانێ دا وەکو خوە نامینیت، حوکمێ تە ل سەر گەلەک تشتان دھێتە گوھۆرین، ئەو ھەستێ نەفرەت کری دێ ل ھەمی ھەست و بیر و باوەرێن تە دەت، ئەڤە ھندەک نیشانێن سەیرن دبین تو ل سەر دەرباز بی دەمێ دکەڤیە داڤێن عشقێ.
نەمانا ئازاران:
دەمێ دکەڤیە د عشقێ دا لێدانێن دلێ تە بلەز دکەڤن، دەستێن تە خوە ددەت و دێ ھەست کەی سەرێ تەیێ دزڤریت، ئەو ھەمی ژ بەر وێ چەندێ چێدبن کو جەستە و مێشکێن تە د کەرستێن کیمیاوی و ھورمۆنان دا نقۆم دبن، ئەو ھەستا خۆشیێ بۆ تە چێدکەن، ئەو ھەست گەلەک وەکو وان ھەستانە دەمێ ھورمۆنێ ئەندۆرفین یێ بەرپرس یێ ژ ھەستا دلۆەحەتیێ و نەمانا ئێش و ئازاران.
کۆنترۆلا مێشکی:خوشتڤی قەبارەکێ مەزن ژ مێشکێ مرۆڤی داگیر دکەن خو ھەکە ھندەک تشتێن گرنگتر ژ وی د ژ یانێ دا ھەبن، ئەگەرێ وێ ژی ئەوە دیداردا ھزرکرنێ یا ب نەھشی ب خوە دروست دبیت، ھەروەکو مێشک ل سەر وێ چەندێ دھێتە پرۆگرام کرن، ب درێژاھیا رۆژێ و ھەتا تەدەمێ ب تشتەکی دی ژی ڤە مژوول دبی، ھەر خۆشتڤی دیمینت سەربارکێ ھەمی ھزران و دمینیتە سەر مێشکی.
گرنژینا بەردەوام: گرنژین ژ نک خۆشتڤی بار ناکەت، دبیت تو بگرنژی دەمێ تو ب تنێ بی و دەمێ نامەیێن وی دخوینی، یان دەمێ تە گوە ل سترانەکێ بیت یان وێنەیەکی بگری، یان ب تنێ دەمێ تو ھزرێن خۆشتڤی دکەی، زێدەی عەدەتی دێ گرنژی ئەو ژی ژ بەر ھورمۆنێ کەیفخۆشیێ یێ دکەڤیتە ناڤ خوینێ، ھندەک دێ ب حێبەتی بەرێخوە دەنە تە، بەس دێ بینی گۆتنێن کەسێ بۆ تە نەخەمن.
پێڤە گرێدانا ب خۆشتڤی:
دێ خوە بینی تو حەز ژ ھەمی وان تشتان دکەی یێن خۆشتڤیێ تە حەز ژێ دکەت، دێ بەحسێ وی بۆ ھەڤالێن خوە کەی، چونکو وی دەمێ دێ تشتێن ھوور ب وی کەسی ڤە گرێدەی یێ تو حەز ژێ دکەی.
رەفتارێن ب شەرم:
عشق دێ تە ھاندەت ھندەک رەفتار و چڤێلیان بکەی دبیت ب شەرم بن، چونکو دەمی تو عاشق بی دێ ھەمی تشتان کەی دا عاشقێ خوە کەیفخۆش بکەی، بێی وێ ل بەر چاڤ وەرگری یا خەلک ھزر دکەت.
پویتەدان ب سەروسیمای:
ب ئاوایەکێ مەزن دێ پویتەی ب سەروسیمایێ خوە دەی، دێ بزاڤان کەی ب جوانترین ئاوا دەربکەڤی، دێ پویتەی ب پرچا خوە دەی، دێ گولاڤان بکارئینی، دێ وەرزشێ کەی و خوارنا ساخلەم خوی و رێجیمێ کەی، ئەڤە ھەمی دەمێ تو یا عاشق بی.
ستران: د عشقێ دا دێ ھەست ب ئازادیێ و کەیفێ کەی، ھەروەکو تە چو خەم نینن، ژبەرکو تو نەشێی کەیفا خوە ڤەشێری، دێ ب سترانگۆتنێ دەربرینێ ژێ کەی و ب دەنگەکێ بلند دا خۆشیێ د دلێ خوە بەلاڤ بکەی.
رادەستکرن:
ھەر تشتەکێ خۆشتڤیێ بێژیت و بکەت بۆ تە یا خۆش سەرنجراکێشە، عشق یا کورەیە، دێ وەکەت تو ھەست ب چو کێماسیان نەکەی، ھەکە تە شاشیەک ژی دیت، دێ زوو ژبیر کەی و ل خۆشتڤیێ خوە بۆری، چونکو تە نەڤێت خۆشتڤیێ تە شاشیان بکەت.