پشتی سهربهخوهبوونێ دێ چ چێبیت؟
ب درێژاهیا دیرۆكا گهلێ كوردان دا ههردهم ژ بۆ دیتن و بدهستڤههاتنا ساته خۆلهكیێن ئازادی و بهختهوهریێ، مللهتێ كورد ئامادهی دیتن و برێڤهبرنا ستهم و دهردهسهری و نهخۆشیان بۆیه لهورا ههتا نها ژی ب هزاران شههید و جانفیدا كرنه قوربان ژ پێخهمهت ئازادی و بهختهوهریا ڤی مللهتی و زێدهباری قوربانیدانا ڤان ههموو قوربانیدان و جانفیدایان ئهڤ مللهتێ دهردهسهر و ب پێناسهیا دلسۆزیێ د ناڤ جیهانێ
دا هاتیه وهسفكرن، نها دا ژی ئامادهیه ب ههموو گهلێ خوهڤه جان و مال و رهوشا خوه بكهنه قوربانی خاك و مللهتێ خوه، لهورا زۆرا فهره نها دا ئهم كار بكهین ژ پێخهمهت بدهستڤههاتنا ههموو مافێن خوه یێن رهوا چونكو مافێ ههر تاكه مللهتهكێ یه ب ئازادانه بژیت و ب ههموو تاكه مافێن خوه یێن رهوا ئاشنا ببیت، وهك دیار د نها دا رهوشهكا ئالۆز دا ب سهر مه دا هاتیه و گهلهك كهس ب ڤان كاودانان ئالۆز و نهخۆش بوویه لێ بلا ل هزرا مه دا بیت پشتی ههر نهخۆشیهكێ هاتنا كاروانهكێ خوهشیانه، لهورا فهره ب ڤان كاودانان ژی بهختهوهر بین چونكو گومان تێدا نینه رهوشا نها ههر ب ڤی شێوهی نابیت و گهلهك فهره ژی ههكو لایهنێن سیاسی ل جڤاتا نوونهرێن عیراقێ دا ب شێوهیهكێ باش و بهرفرههـ كاربكهت ب ئێك دهست ههتاكو مافێن مه بۆ گهلێ مه بهێنه دابینكرن، دیسا ژی دهمهكه لایهنێن مه یێن سیاسی ب هندهك كۆمبوون و جڤینان ڤه ئالۆز بووینه، لێ فهر دبینین ب ههر زوو ئاگههی ژڤێ رهوشا نها دا ههبیت و ئێدی بلا روونشت و كاركرنا وان ژ پێخهمهت بهختهوهریا كورد و كوردستانێ بیت و دهستان ژ هندهك ناكۆكیان بهردهن كو دبنه سهدهما خرابكرنا رهوشا دهروونێ ههر تاكه كهسهكێ د ناڤ جڤاكێ مه دا دهبازبیت، وهك دیار ژی بهریا دهمهكێ ژی مهسعود بازرانی سهرۆكێ ههرێما كوردستانێ ژی ههموو خهلكێ كوردستانێ هایداری وێ چهندێ كربوو كو دێ ل دهمهكێ نێزیك ریفراندوم ب و گهلێ كوردستانێ هێته ئهنجامدان و بهرههڤیا ریفراندومێ دهێته كرن لێ گهلهكا فهره بهریا ڤێ ریفراندهمێ مه ب تایبهتی لایهنین سیاسی ئاگههی ژ رهوشا خوه ههبیت پاشی بهر ب ریفراندومێ برێبكهڤین چونكو چ گومان تێدا نینه ههر مللهتهكێ ئارشێن ناڤخوهی ههبن دهما كو هندهك ئاریشێن ژدهرڤه چارهسهر دكهن دێ تووشی گهلهك ئالۆزیان بن لهورا فهره ههر نها لایهنین مه ب رێكهفتنهكێ ئاشنا ببن و وهك مهزن دبێژن (خهلك دوژمنێ كهوی یه و كهو ژی دوژمنێ سهرێ خوهیه) لهورا بلا ههتا ڤێره بهس بیت و ئهم ههموو پێكڤه ببینه ئێك دهست و ههموو ئارشێن ناڤخوهیی ب تهمامی چارهسهر بكهین پاشی بهر ب هیڤیان برێكهڤین ئهو ژی سهربهخوهبوون و ب دهستڤههاتنا ههموو مافێن رهوا یێن مللهتێ كورد و كوردستانێ نه چونكو ههر دهما ئهم ب بینه ئێك ههست و نهست و ئێك دهست ژ لایهن و چههڤسوی و چ مللهتێن بیانی ب چ رهنگان نهشێن دهستكاریێ د ناڤ كاروبارین مه دا بكهن و ئهو شیان نابن هایداری خۆشیێن مه ببنـ لهورا بلا ئێدی ههموو لایهنێن مه كار بكهن بۆ خۆشگوزهرانكرنا بارودۆخێ مللهتی و بهختهوهریا كهسانێن د ناڤا مللهتی دا دژین چونكو ئهڤ مللهته ئێكه ژ مللهتێن د ناڤ جیهانێ كو ههموو نهخۆشی دهربازكرنه ژ پێخهمهت ئاشناكرنا گیانێ خوه، لهورا بلا كار بكهین بۆ بهرههڤیا ریفراندوما سهربهخوهبوونێ و كار بكهین ژ پێخهمهت بدهستڤههاتنا مافێن خوه و كاربكهین ژ بۆ دیاركرنا سنۆرێن خوه و پشتی ریفراندوم و سهربهخوهبوونێ ژی ئهم ببینه مللهتهك كو ههموو بهختهوهری ل سهر مللێن مه كۆم ببیت و پشتی سهربهخوهبوونێ وهك مللهتێن جیهانی د ههموو كاروبارێن ناڤخوهی دا ب سهربهخۆیانه برێڤه بچین و خهلكێ گهلێ كورد و كوردستانێ ب ئاشنابوونا بهختهوهریێ د ناڤ ههمبێزان دا د خهو بچیت.
