پشتی مرنێ چ ل مه‌ژیێ مرۆڤی دهێت؟
ئه‌ڤرۆ، به‌رپه‌رێ ساخله‌میێ:
ئه‌و مرۆڤێن ژ مرنێ نێزیك دبن گه‌له‌ك جاران به‌حسێ وێ چه‌ندێ دكه‌ن د وی ده‌میدا هه‌موو بیره‌وه‌ریێن ژیانا وی هاتینه پێش چاڤێن وی و وه‌كو فلمه‌كی ژیانا خۆ دیتیه‌ڤه، ئه‌ڤه‌ژی ب زانست هاتیه سه‌لماندن.
مالپه‌رێ ئه‌تله‌س نیوز به‌لاڤكریه، بۆ جارا ئێكێ زانا شیاینه چالاكیێن مه‌ژیێ مرۆڤی پشتی مرنێ تۆمار بكه‌ن.
ئاماژه ب وێ چه‌ندێ ژی كریه، ڤه‌كۆله‌ران چاڤدێریا پێلێن مه‌ژیێ زەلامه‌كی كریه د ژیێ 87 سالیێ دا كو توشبوویێ نه‌خۆشیا ته‌بێ (سه‌رع) بوو و ب ڕێكه‌فت وی نه‌خۆشی ژیانا خوه ژده‌ستدا.
ئه‌و چه‌ند ژی ئاشكراكریه، زانا شیاینه ده‌مێ 15 ده‌قیقان پشتی ژیان ژده‌ستدانێ چالاكیێن مه‌ژیێ وی نه‌خۆشی تۆماربكه‌ن.
بۆ زانایان ده‌ركه‌فتیه، 30 سانیا پشتی مرنێ دلێ مرۆڤی ژ كاردكه‌ڤیت و پشتی وێژی ئێك ژ پێلێن مه‌ژی كو دبێژنێ پێلێن گاما چالاك دبن و بۆ ده‌مێ 15 ده‌قیقا به‌رده‌وام دبیت.
زانایان دایه دیاركرن ژی، پێلا گاما جۆره پێله‌كا مه‌ژیێ مرۆڤیه كو به‌رپرسه ژ ڤه‌گه‌ڕاندنا بیره‌وه‌ری و خه‌ون دیتنێ.
ژ ئالیێ خوه ڤه، ئه‌جمه‌ل زیمار سه‌رپه‌رشتیارێ وێ ڤه‌كۆلینێ ڕاگه‌هاند، ده‌مێ پێلێن گاما چالاك دبن د مه‌ژی دا گرنگترین بیره‌وه‌ری و بوویه‌رێن ژیانێ ل بیرا وی دئینیت، گۆتژی، ئه‌ڤ دیتنه دێ هاریكاریا مه‌كه‌ت بزانین د ده‌مێ مرنێ دا چ ل مه‌ژیێ مرۆڤی دهێت.
