پشتی مەلا مستەفا بارزانی ژ رۆسیا ڤەگەڕیای ئێکەم نڤێسینگەها خەبات ل گوندێ مە هاتە ڤەکرن
دیدار، سالار محەمەد دۆسكی:
هەمان پێشمەرگە گۆت: ل بوهارا سالا 1978 ل گوندێ دوستەكا ل پشتا ئاكرێ چووینە دەڤەرا زێباری ل گەل (مستەفا و حەسەن صەبری) (محو گەودا) بەرپرسێ لەشكری بوو و (50) پێشمەرگە ل گەل بوون و مەفرەزە بوو و سپێدێ چووینە گوندەكی مە تێشت خوار و زڤرینە چیایی و نڤستین هەتا نیڤرۆ و ڤراڤین بوومە هات ل گوندی مە نەزانی شكائێت ل مە هاتەكرن و ئێكسەر فرۆكە هاتن و نێزیكی (8) فرۆكە بوون و ئێكسەر هاڤێتەمە و دور مە زڤرین و رەمی ل مە كر، لەشكر ژی هات و لەشكری نەزانی ل كیڤە نە و (محو گەودأ) ئارپێچیەك هاڤێت و ئێكسەر جهێ مە هاتە ئاشكراكرن و لەشكری ب هەمی رەنگا هێرشكر و دەڤەر دو چیا بوون و گوندێ (دوستەكا) دكەڤیتە دناڤبەر هەر دو چیا كو ئێكێ بلند بوو و ئێكێ نزم بوو( محو گەودا) ل گەل پێشمەرگەكێ مەزن بەرەف چیایێ بلند چوو و ئەز و حەسەن و نوریێ خدر سندی ) چووینە چیایێ نزم و ئەم لەشكەر پێكڤە سەركەفتین و سینگ و سینگ هاتن و مە ژی رەمی كر و مە چ رێك نەمابوون و فرۆكە هاتن و رەمی كر هەڤالێ مە حەسەن بریندار بوو و د چیای دا چوو خوار و هێرش كرە من و هاڤێتە من و بریندار بووم لێ نە یا دژوار بوو و بن بەرەكی مە خوە ڤەشارت و جندی هاتنە هنداف مە و ئەم نەدیتین هەتا بوویە ئێڤار و رۆژ بەرەف خارێ چوو من گازی حەسنی كر و مستەفا گازیكر گۆ ئەژی بریندارم چووینە دەف حەسەن یێ ساخ بوو و یێ بریندار بوو و نێزیك مەغرەب بوو و ئەم ژی بریندار بووین و حەسەن گۆت من پێلن ئەز یێ چوونێ مە بلا هوون نەمرن و مە هێلا و هندەك نان مە هێلا دەف و ئەم چووین ل گەل مستەفای و سەرێ چیایی كەفتین و بخوە رێكەكێ گەریاین و بەرەف دەڤەرێ بچین و وەختەكی خوە زڤرم مسەا پشت من نینە و گەلەك ل مستەفا گەریایم و نە بێژە مستەفا خو چوویە و نەچاربووم بچم دەربازبم و دەڤەرەكا گەلەك ئاسێ بوو و گەلەك جهان ب خشاندنێ دچووم و هێشتا مەغرەب تاری نەبوو من رێكا دەوارا دیت و من بەرخودایێ من دولەكا ئاڤێ یا كویر دیت و ب هەمی بزاڤا من ئاڤ بخوە ژ بیرێ ئینا دەر و ڤەخوار و كرم دناڤا ئاڤێ دا بوون و من ڤەخوار و ئەو دو رۆژ بمن ئاڤ نە ڤەخواری و چەند مەتران چووم من هندەك زارۆك دیتن و من گوتێ كی ڤێرە یە گۆتن پێشمەرگە چووم (محو گەودایە) و كەیفا من گەلەك هات و چیرۆك من بوو گۆت و مە خوارن خوار و نڤستین و رۆژا دووڤ دا ڤەگەریاینە بریندارێن خوە و نەه پێشمەرگە ل گەل من هاتن و مستەفا ژی بەرزەبوو و پشتی ڤەگەریاینە دەڤەرێ مە پرسیاركر و خەلكی گوتن پێلاڤەكا بخوین مە یا دیتی و پشتی گەریاین مە تڤنگا حەسەن دیت و دووڤ دا مە جەنازێ وی ژی دیت یێ شەهید بوو.
هێشتا گۆت: جارەكێ ل سالا 1965 گەلەك بگرانی بریندار ب بووم و رانێ من هاتبوو شكاندن وسێ جارێن دی بریندار بوویمە لێ سڤك بووینە و زێدەتر سەجمە بووینە.
ناڤبری گۆت: گەلەك كەیفا مە هات دەمێ پشتی شكەستنا 1975ێ گۆتین خوە بێ ئومێد نەكەن دێ كورد رابنە ڤە، دیسا سەرهلدانا 1991 ژی گەلەك كەیفا من هات دەمێ هێلا 36 هاتیەدانان وی دەمی مە هزر كر كو جیهانێ ئاگەه ژ مە هەبوویە و یا ژ هەمی نەخوشتر 1975ێ گۆتین كورد شكەستن و پێشمەرگەی چەكێ خوە رادەستی حوكمەتێ كری.
هەمان پێشمەرگە گۆت: پشتی 1975ێ وێ شكەستنا رەش، ل سالا 1976ێ كارێ رێكخستتنێ نەبوو یا دروستاهی بەلێ لڤیەك هەبوو و هاتبووینە ئاگەهداركرن ژلایێ( عەلی عەبویدللایێ) مە نەدیت بوو (ئەحمەد عەبدوللا بێدهی) فەرمانبەرێ باژێرڤانیێ بوو ل كانی ماسێ و چوومە دەف ل كانی ماسێ و مە كومبوون دكر و پائیزا 1975ێ بوو و وی دەمی پێشمەرگە چووبوونە ئیرانێ و هەیڤا 10 هەمان سال مە دەست بكارێ رێكخستنێ كر و بتنێ بوومە بەرسف دهات خوە بێ ئومێد نەكەن و دێ كورد رابنە ڤە و هەر گوندەكی من ئێك رێكخستیەك هەبوون (بازێ، خشخاشا، كانی مەزنێ) چار مرۆڤ بوون و دو ل گوندێ بازێ و وی دەمی بەلاڤووك و رۆژنامە نەبوون، وی دەمی (ئدریس بارزانی) د دەڤەرا شەمزین و گەڤەرێ و هەكاریا را هنارت بوون و هاتنە پشتا چەلێ و و دگۆتن خوە بێ ئومێد نەكەن و دێ كورد ڤەگەرنە ڤە، پشتی هەوا ئەنفان دژی مللەتێ كورد ئەم ل كەمپا دیاربكەر ئاكنجی بووین بۆ ماوێ سێ سالان و ل سالا 1990 بەرەف وەلاتێ ئەمریكا ڤە چووم.
هەمان پێشمەرگە بەحسێ روودانەكا نەخوەش یا ژیانا خوە كر و گۆت: 1/12/ سالا 1976 هاتم من زارۆكێن خوە ل گوندی راكر وی دەمی چار زارۆكێن شیری مە هەبوون و هەمی زارۆكێن مەنن هەلگرتنێ بوون و من مالا خوە برە كوردستانا باكور و بەفرۆ باران دهاتن و ب پیا چووین و نەوێریان ئاگری هەلكەین و چووینە گوندەكی ل باكور ل (كولكەكێ مێشان) بوو و ئەم دو مال بووین و ئەم شەش سال ماین و سێ سالان ژی ل دیاربكەر ماین.
هەمان پێشمەرگە گۆت: 16/9/1987 دەمێ داستانا كانی ماسێ و پشتی چەندین گوندێن دەڤەرا بەرواری یا گرتین، ئەم ل محورێ گركا بووین و ئەز بەرپرسێ لەشكەری بووم و عەبدولعەزیز یێ سیاسی بوو و دو رەبیە ل وێرێ وبوون و خەما مەبوون و دڤیا راكەین و مە راكەن و رۆژ نوری شاویس گۆت هەرە سەر توپا 120 ملم پا ڤێژە و من هاڤێتن و زارۆكێمن بچووك بوون و ئەم دناڤبەرا بازێ و چەم سەیدا بووین و لەوما من هزر كر ئەف شەرێ نەخوش دێ زارۆكێن خوە بەم دەف زارۆكێن خەزیرێ خوە ل بازێ زارۆكێن وان ل شكەفتەكێ بوون و من گۆت دێ زارۆكێن خوە بەمە دەف شكەفتنێ و تایبەت ئەوێن بچووك و ئەز سەر توپێ بووم و من هند دیت پصمامەكێ من هات و گۆت سەید نوری من گۆتێ خێرە گۆت پصمامێ مە سەعید بریندار بوویە و من زانی هوسا نینە و من هندەك پێشمەرگە دیتن ئەوانژی نە گۆتن و چوومە نێزیك شكەفتێ دیت و دو پصمام و مامەك و كچان و ژن ماما من بووینە قوربانی و كچامن و دو پصمام شەهید بووینە و ژن ماما من دەستەكێ وێ ژ ئەنشكێ هاڤێت بوو و هندەك نوژدار وێرێ بوون هاریكاریا وێ كرو برینا مامێ من یا سڤك بوو و ل گورستانا گوندێ بازێ مە ڤەشارتن.
ل دووماهیێ سەید نوری چەم سەیدی، گۆت: مە گەلەك قوربانی دایبنە پێخەمەت ئازادی و سەربەستی یا ئەڤرۆ داخازێ ژ هەمی هێزێن كوردی دكەم خوە بكەنە ئێك دەست و چاڤدانا ڤی مللەتی بكەن.
