پشتی نسكۆیا 1975ێ رژێما ئیراقێ هزر دكر ئێدی چو شۆڕەشێن كوردی ساخ نابن
ديدار، سالار محةمةد دؤسكى:
4-5
هێشتا گۆت: ب دەستەسەركرنا ژنان و زارۆكان ل زیندانان كریارێن پێشمەرگەی زێدەتر لێ هاتن و زێدەتر مورالا پێشمەرگەی بلند بوو و زێدەتر خەلك گەهشتە شورەشێ وی دەمی حوكمەتا ئیراقێ گەلەك كاودانێن خەلكی تێكدان و گەلەك گڤاشتن ل سەر خەلكی بوون و پێشمەرگە گەلەك ب قوت كەتن و چالاكیێن پێشمەرگەی گەلەك زێدەبوون و هاتن و چوونا پێشمەرگەی زێدەتر لێ هات و زێدەتر ترس و لەرز كەفتە دناڤا دوژمنی دا و حوكمەتا ئیراقێ گەلەك كەفتە بن گڤاشتنا و هەمی رێ لێ هاتنەگرتن و نەزانی دێ چكەت و حوكمەتا ئیراقێ نەچار بوو هندەك كریارا بكەت بۆ سڤكرنا گڤاشتنا ل سەر خوە بۆ نموونە بەنداڤا دهۆك بۆچی هاتە ئاڤاكرن و رەنگە هندەك هزر بكەن بتنێ بۆ مەرەمێن چاندنێ بوویە لێ هزر و بیرێن دوژمنی هەر ئەو بووینە ئەو گوند بهێنە بن ئافكرن و دویراتیەك دناڤبەرا خەلكێ مە و پێشمەرگەی دا دروست بیت و دەستێ پێشمەرگەی نەگەهیتە دەڤەرێ وی دەمی ژ بێسرێ وێ ڤە حوكمەتا ئیراقێ نەدوێریا بچیت و نەدوێریا بچیتە بەنداڤا دهۆكێ و لیوا دهۆكێ رۆژانە دهاتە توبارانكرن ژلایێ پێشمەرگەی ڤە، ژ كێلیا شەدا وێ ڤە حوكمەتا ئیراقێ نەدشیا بچیتێ و پێشمەرگە یێ بهێز بوو ئەڤ گوندێن دەڤەرا دۆسكیا وەك (بوتیا، برجینی، لیناڤا، باخورنیف، پیرۆمەرا) هەمی دەستێن پێشمەرگەی دابوون و ب شەف هەر جهێ پێشمەرگەی دڤیا دچوویێ و حوكمەتا ئیراقێ نەدوێریا سەرەدانێ بكەت و ئالیێ دی (بادێ، سندورێ) هەتا دگەهیتە زاویتە حوكمەتا ئیراقێ ب چ رەنگان نەشیا نێزیكی ئەڤان دەڤەران بیت.
هەمان زیندانیێ زیندانا ئالوكان یا ئافرەتان ئەو ژی دیاركر كو ژ ئالافێن راگەهاندنێ دناڤا زیندانێ دا نەبوون و هەر كەسەكێ سەرەدان كربا ب چ رەنگان روینشتن ل دەف زیندانی نەبوو و بتنێ دپەنجەرەكا بچوویك دا مرۆڤی ژ دیر ڤە دیت وەك دێربینێ و ئاخفتن و روینشتن ب چ رەنگان نەبوو و ئەگرە جارەكێ نامەك گەهشت بیت یان خوارنەك ئینا بیت و ناڤ ل سەر بیت و بڤی رەنگی دگەهشتە مە.
ناڤبری گۆت: دەمێ چووینە دەرڤە وی دەمی چوومە دەف خودێ ژێ رازی (بەحشتی) برایێ من (عزەت) ئەندامێ رێكخراوێ بوو و ل گەل بوو و من ژێ خواست ببمە پێشمەرگە گۆتە من تویێ بچویكی و نابیت تو ببیە پێشمەرگە و من گەلەك ژێ خواست ببمە پێشمەرگە و ئەوا نەهێلا و گۆت ئەڤە سێ برایێن تە ل گەل بابێ تە پێشمەرگە نە و تو هەرە بخوە بخوینە، زڤریم نوزانم دێ چ كەم وی دەمی حوكمەتا ئیراقێ هار ب بوو و هەر دەمێ زانیبا بچوویكەك ل مالەكێ خوین وی دەمی ئەو بچیك ل گەل وێ خێزانێ پێكڤە دهاتنە گرتن و دەمێ زڤریم چوومە زاخۆ وی دەمی مالا خال من وێرێ بوو و چوومە مالا وا من خاند و چەند جاران چووم من سەرەدانا بابێ خوە وا كر وی دەمی مالا بابێ من وان ل گەلیێ (سەرەرو)بوو ل سەر سنوری، جارا دووماهیێ دەمێ چوویم ل سالا 1988 بوو ب چەند هەیڤان بەری ئەنفالان و دەمێ هاتیم من سویند خار نەچووم و من دیاركر كو مالا جیرانەكێ خالێ من وان هاتیە خرابكرن چونكە كورەكی لێ دخاند و من خواست مینمە دەف دایكا خوە وان و من گۆت ئەم نەبینە ئەگەرێ مال خرابكرنا خالێ من وان و ب هەر رەنگەكی دایكا من وا گۆت ئەف سالە ژی هەرە تەمام بكە وی دەمی من قوناغا ناڤنجی تەمام كربوو و چوومە ئامادەیا بازرگانی و زڤریم و هەوا ئەنفالان دەست پێكر و ل گەل دەسپێكرنا هەوا ئەنفالان برایەكێ من ل ڤێرە بوو ئەو ژی ژلایێ حوكمەتا بەعسیان ڤە هاتە دەستەسەركرن و بەرزەكر و ئەز مامە ل مالا خالێ خوە و دووڤ دا ئەزژی رەڤیم و من خوە بەرزەكر و برایەكێ دیێ من كەفتە دەستێ حوكمەتێ و هاتە رەوانەكرن بۆ (بەحركێ) ئەز مامە وی حالی دا جار ل دهۆكێ و جار ل زاخۆ خوە ڤەدشارت، وی دەمی بەرپرسێ رێكخراوا (وارین) بووم من كارێ رێكخستنێ دكر و نێزیكی (170) رێكخستیان من هەبوون سەر ب رێكخراوا من ڤە و پتر ژ (70) ئەنداما ئافرەت بوو و (رەشید مەسیحا) جێگرێ من بوو و رێكخراوا مە سەر ب لژنا زاخۆ ڤە بوو یا پارتی دیموكراتی كوردستان و گەلەك ژ كەسایەتیێن نوكە ل پوستێن حزبی و حوكمی وبەرچاف دا وی دەمی ئەندامێن رێكخراوا (وارین) بوون، وی دەمی رێكخراوا مە چەندین چالاكی دكرن و هەتا جارەكێ مە دناڤا ئامادەیا بازرگانی یا زاخۆ دا بەلافووك ل دیوارا دان و هەڤالەكێ مە هاتە دەستەسەركرن ژلایێ حوكمەتا بەعس ڤە و ئەم گەلەك ترسیاین و خوش بەختانە رێكخراوا مە ئاشكەرا نەبوو، و هەوا ئەنفالا دایك و باب و برایێ من ل كەمپا (مێردینێ) بوون و ب هەر حالەكێ هەی سەرهلدانا پیرۆزا 1991ێ دەست پێكر و هەر ئێك ل جهەكی بوو وی دەمی جار ل مالا خالێ بووم ل زاخۆ و جار ل دهۆكێ مالا مامێ بووم و مە خوە ڤەدشارت ب هەر رەنگەكێ هەبیت وی دەمی هێشتا قوتابی بووم و ناسناما ئامادەیا بازرگانی ل گەل من بوو و ژیێ منێ بچویك بوو لەوما هەتا رادەكی شیام قورتال بم.
زێدەتر گۆت: ل سالا 1991 ئێكسەر بوومە بەرپرسێ رێكخستنا (دەركارێ) یا پارتی دیمكراتی كوردستان دو روودان ل دەڤەرێ پەیدا بوون و ئەو بوو دەمێ(صادق عومەر) هاتیە كوشتن و دەمێ (پارتی گەل) هاتیە دناڤا پارتی دیموكراتی كوردستان دا و هەر دو جاران هاتمە دەستەسەركرن و ل سالا 1993ێ هاتمە ڤوگوهاستن بۆ باژێرێ دهۆكێ و بوومە بەرپرسێ لەشكەری و ئەندامێ لژنا دهۆكێ وی دەمی بتنێ لژنا دهۆك هەبوو ژ مانگێشكێ هەتا سێمێلێ سنورێ لژنێ بوو و (تەمەر رەمەزان) بەرپرسێ لژنێ بوو، سالا 1992ێ مالا مە ژ مێردینێ هات و ئەو چەند سال بوو من دایك و بابێن خوە نەدیتن و دووڤ دا چەندین پوستێن لەشكەری و حزبی من وەرگرتن و هەتا ئەڤرۆ بەردەوام بووم و گەهشتیمە پلا (لیوا) سەر ب یەكا هەشتێ ڤە و رەنگە داهاتی بهێمە ڤەگوهاستن بۆ سەر وەزارەتا پێشمەرگەی یا حوكمەتا هەرێما كوردستانێ.
