پشتی نەتانیاهۆی شاهێ ئوردنێ ژی دێ سەرەدانا ئەمریکا کەت
دەزگەهێن راگەهاندنا ئوردنێ دیار دکەن ل سەر داخوازا سەرۆکێ ئەمریکا دێ شاهێ ئوردنێ رۆژا ١١ ڤێ مەهێ سەرەدانا ئەمریکا کەت و ل دۆر ئالۆزیێن ل دەڤەرێ ل گەل بەرپرسێن ئەمریکا دانوستاندنان کەت.
چاڤدێرێن سیاسی ژی دیار دکەن، ترامپی دڤێت ل گەل ئسرائیلێ دەست ب بەرنامێ خوە یێ بۆ گوهۆڕینا دەڤەرێ کەت و ژ بەر ڤێ یەکێ ژی پشتی سەرۆک وەزیرێن ئسرائیلێ نها ژی دێ شاهێ ئوردنێ چیتە ئەمریکا و دهێتە چاڤەرێکرن، کو بەرپرسێن وەلاتێن دی یێن عەرەبی ژی سەرەدانا ئەمریکا بکەن، چونکی ترامپی دڤێت دەست ب بەرنامێ خوە یێ بۆ گوهۆڕینا رۆژهەلاتا ناڤین بکەت.
ئەو یەک د دەمەکێ دایە کو بەری چەند رۆژان سەرۆک وەزیرێن ئسرائیلێ دیار کربوو ئەو دێ ل گەل سەرۆکێ ئەمریکا پێکڤە کار بۆ گوهۆڕینێن مەزن ل رۆژهەلاتا ناڤین کەن و سەرەدانا وی یا بۆ ئەمریکا ژی گەلەک گرنگە، هەروەسا ترامپی ژی دیار کربوو ئەو دێ ل گەل سەرۆک وەزیرێن ئسرائیلێ ل دۆر گوهۆڕینێن ل رۆژهەلاتا ناڤین دانوستاندنان کەن.
