پشتی ههلبژارتنا
هزرهك
د. رهشید فندی
پشتی ههلبژارتنا
پشتی باهۆزا ههلبژارتنا ل ئیراقێ و كوردستانێ ب دووماهی هاتی و قهرهبالغهكا مهزن ل دووڤ خوه هێلای، ل پێشیا ههر تشتهكی، ئهم پیرۆزیێ ل وان رێزداران دكهین یێت مللهتی ههلبژارتین و ب ئاوایهكێ دیمۆكراتی هند دهنگ وهرگرتین، كۆ پشتی دهمهكێ كورت بهر ب بهغدا بچن و ل هۆلا جڤاتا نوونهران ل بهغدا روونن.
هیڤیدارین ئهو رێزدار هزرا هندێ بكهن، كو ئهڤ جڤاته یا جودایه ژ جڤاتێت دی، چنكی سهرو بهر و رهوشا نوكه یا ئیراقێ، گهلهك یا ههستیاره و گرنگه.
ئهز ل دویف وێ نهرازیبوونێ ناچم یا لجهم هندهك لایهنێت سیاسی یێت كوردستانێ و ههڤركی و جررهنیخێ لسهر دهنگان و هژمارا كورسیێت وان چنكی ئهو كارێ من نینه، لێ باشتره ئهگهر ئهو دیموكراتیانه وێ ئاریشێ ببهنه كۆمسیۆنا بالا یا ههلبژارتنان، یان ژی ببهنه دادگههێ و بلا بریارا كۆمسیۆنێ یان دادگههێ یا ئێكلا كهر بیت بۆ وان و بۆ ههمیان.
یا گرنگ لجهم من، ئهو ئهندامێت ژ كوردستانێ د چن، د ڤێت ههمی د ئێكگرتی و تهبا بن ل وێرێ، و وێ هزرێ بكهن ،ئهو ههمی ل بهغدا نوینهرێت گهلێ كوردستانێ نه و كهس ژ وان نوینهرێ حزبا خۆ بتنێ نینه.
دوو بابهتێت گرنگ ل وێرێ یێ لبهر سنگێ وان، ئێك: د ڤیت وێ خهباتێ بكهن، كو ئیراق د ڤێت ب هاریكاری و ههماههنگیا ههمی لایاڤه برێڤه بچیت، ئانهكو چو نهتهوه یان مهسهب خۆ لسهر گهلێ ئیراقێ نهسهپینن، ب مههانا وێ چهندێ كو نهتهوهیهك یان مهسهبهك ل ئیراقێ ژ یێت دی پتره و هژمارا وان زێدهتره، چنكی ئهو سیاسهت دێ وهكهت نهتهوه و مهسهبێت دی یێت ئیراقێ ههست بكهن، كو ئهو بندهستن و مافێت وان د خواری نه.
یا دووێ ئهوه: داكۆكی و جهخت لسهر بجهئینانا ماددێ 140 یێ دهستۆرێ ئیراقێ بێته كرن. چنكی بجهئینانا وی ماددێ دهستۆری، دێ بارا پتر ژ ئاریشێت ناڤبهرا ببهغدا و ههولێرێ چارهسهر كهت، و ئهگهر سنوورێ ههرێمێ هاته دیاركرن ،ههمی گرێكێت دی دێ بساناهی ڤهبن، ههر وهسا گرنگه دهمێ لیژنه بۆ وی ماددهی ل پهرلهمانی بێته پێكئینان، فهره ئهو كهس بن یێت دیمۆكراتی ئامێز و دلسۆز بۆ ههمی ئیراقێ، نه وهكی سهرۆكا وێ لیژنێ بهری نوكه، دهمێ ب ئاشكهرایی و لسهر كهنالهكێ تهلهفزیۆنی گۆتی: ئهڤه 10 ساله من نه هێلایه ماددێ 140 بێته بجهئینان، دا كهركووكێ بۆ كوردانه چیت!!
لهوما دبێژم، رۆلێ وان ئهنداما یێت سهركهفتن ب دهسڤه ئینای، گهلهك گرنگتره ژ یێت بهری نوكه.
