پشتی ٤٠ سالیێ گرنگیێ ب ئەڤان کاران بدە
ئەڤرو نیوز ، ھلوری:
ئەو کەسانێن کو دگەھنە ژیێ ٤٠ سالیێ گەلەک پێدڤی یە کو گرنگیێ ساخلەمیا خوە بدەن ، داکو ھەر وەکو گەنج ب مینن ، ، شارەزایێن بوارێ گەنجان و نوشداری دیار دکەن کو پێدڤی یە ھەر کەسێ بگەھیتە ژیێ ٤٠ سالیێ دا دڤێت دەستبەردانێ ژ ھندەک سالوخەتان بکەت و ھندەکێن دن دەست پێ بکەت ، ژ وان:
ئێک : مانەکا زۆر لسەر موبایلێ
موبایل ئێکە ژ پێدڤیێن ژیانێ و پرانیا کەسان ژی بووینە ئەدمینێن بکارئینانا وێ و دەمەکێ زور لسەر د بوورینن ، شارەزایێن نوشداری ددەن دیارکرن کو بکارئینانا موبایلێ ب رەنگەکێ زۆر د بیتە سەدەما نەخۆشیێن شەرکێ و دلی و لاوازبوونا چاڤان ب تایبەتی ئەگەر رەنگێ موبایلێ شین بیت ، و ژلایەکێ دنڤە کارتێکرنێ لسەر مێشکێ مرۆڤی دکەت ، ژبەرڤێ گرنگە ئەو کەسانێن کو دگەھنە ژیێ ٤٠ سالیێ پێدڤی یە کێمتر موبایلێ بکاربینن.
دوو : نڤستنا زێدە
ب رەنگەکێ گشتی نڤستنا زێدە بو ھەموو کەسان زیان ھەیە ، بەلێ بۆ وان کەسانێن کو گەھشتینە ژیێ ٤٠ سالیێ زیانێ نوێ زێدەترن ، چونکی نڤستنا زێدە دبیتە سەدەما پشتئێشان و خەموکیێ.
سێ : پاقژکرنا ددانان
ئەو کەسانێن کو دکەڤنە دژیێ ٤٠ سالیێ دا ژ بەر بھانەیێن کاری و دەربازبوونا ژیەکێ زۆر گەلەک گرنگیێ ب ساخلەمی و پاراستنا ددانێن خوە نادەن و د ئەنجام دا توشی گەلەک نەخۆشیان دبن ژ وانان ژی بێھنا نەخوش یا دەڤی ، ژبەرڤێ گرنگە ئەو کەسانێن دگەھنە ژیێ ٤٠ سالیێ ددانێن خوە پاقژ بکەن ، بەروڤاژی ئەو دێ زێدەتر نێزیکێ نەخۆشیێن دلی بن.
چوار : خوارن
ئەو کەسانێن کو دکەڤنە د ژیێ ٤٠ سالیێ دا کێمتر خوارنێ دخۆن ، ئەڤ یەک ژی دبیتە سەدەما نەخۆشیا شەکرێ و لاوازیا لەشی ، ب تایبەتی ئەگەر خوارن نەیا رێکخستی بیت ژلایێ جوور و دەمی ڤە ، ژلایەکێ دنڤە پێدڤی یە ئەڤ کەسە کێمتر خوارنێن خوێ دناڤ دا بخۆن.
پێنج : ڤەخوارنا ئاڤ و شیر
ل گەل خوارن و جورێن فێقیی و خوارنێن دن دا پێدڤی یە ئەو کەسانێن کو دگەھنە ژیێ ٤٠ سالیێ گەلەک گرنگیێ ب ئاڤێ بدەن و گرنگە رۆژانە ٨ پەرداخێن ئاڤێ ل دەم و جھێن ژێکجودادا بھێنە ڤەخوارن.
ژلایەکێ دنڤە گرنگیێ ب ڤەخوارنا شیری بدەن ، ب رەنگەک گشتی شیر بو ھەموو کەسان گرنگە ، پرانیا وان کەسانێن کو دگەھنە ژیێ ٤٠ سالیێ ژبەر چەند ئەگەر و بھانەیێن جڤاکی و داب و نەریت ژ ڤەخوارنا شیری دویر دکەڤن ب تایبەتی ئافرەت ، و ئەڤە د دەمەکێ دایە کو ڤەخوارنا شیری کارتێکرنەکا ئەرێنی لسەر لەشێ مرۆڤی ھەیە ب تایبەتی بو ھێسکان گرنگە
