پشتی پێنج سالان جارەكا دی ڤەگەڕیا ژەنینا ئۆرگێ
شاكر ئەتروشی:
پشتی بۆ دەمێ پتر ژ پێنج سالان ژبەر نەخۆشیێ ژ بۆارێ هونەری دووركەفتی، جارەكا دی مۆزیكژەن (عەدنان یوسف) ڤەگەڕیا سەر كارێ خوە و ل بەرە كلیپە مۆزیكەكێ چێكەت.
عەدنانی بۆ رۆژناما ئەڤرۆ گۆت: نەخۆشیا من پێنج سال و چەند هەیڤان ڤەكێشا و ئەز نەشیام مۆزیكێ بژەنم، لێ سوپاس بۆ خودێ ئەڤە دو هەیڤن رەوشا من یا باشە و دڤی ماوەی دا ئەز چوویمە چەند داوەت و ئاهەنگان و د هزرا من دایە پارچە مۆزیكەكا باش بژەنم و كلیپ بكەم، بۆ زانین پشتی سەرهلدانێ ئەز هاتیمە دناڤ جیهانا مۆزیكێ دا، ل دەستپێكێ ئەز لێدەرێ ئیقاعێ بووم، پاشە بوومە یێ ئۆرگێ و دچەند سالێن بۆری دا من ل گەل پرانیا سترانبێژێن مە ئۆرگ ژەنیە، ب تایبەت ژی هونەرمەندان (حەسەن شەریف و دلشاد نێروەی) نوكە ژی ل گەل سترانبێژ جەمال وەرمێلی دچمە ئاهەنگان و هندەك جاران خوە بنڤیسینا هەلبەستان و دانانا ئاوازان ڤە مژوول دكەم و من ئاوازەك دایە سترانبێژ (ئۆمێد بەرواری) كو ب یانەیا دهۆكێ یا وەرزشی گۆتیە و هەلبەست ژی داینە سترانبَژان (محەمەد مستەفا، شڤان گەرماڤی، سەعەد سەلیم) و سوپاس بۆ خودێ هەتا رادەكی داهاتەك بۆمە ژمۆزیكێ دهێت.
