پشتی چار سالان من بابێ خوە ل گوندێ بێزهێ دیـت و من نەنیاسـی
رەمەزان دەشتمری زاخۆ
4 – 4
بابێ من گوت: هەر نوكە بلەز هەرە بێژە جیرانێ مە عیسایێ خێلەخی بلا هەر نوكە بهێتە مالا مە. ئەز چوم بۆ مالا عیسایی و ئەز و عیسا هاتن مالا مە و ل دەف بابێ من روینشتن خوار و یابێ من بابەت بۆ عیسایی ڤەگێرا و گوتێ: هەر سوبەهی سپێدێ من ژتە دڤێت تو عیسایی ب گەهینی بۆ گوندێ دوبانكێ و دا خۆە قورتال بكەت، سپێدێ دگەل هەڤالێ خوە عیسا خێلەخی ل ئەوی دەمی ترومبێلەك ژ جورێ پیكەم داتنسون هەبی و ل سەر هێلا زاخۆ ئەرمشت دوبانك كاردكر. ئەز ل ترومبێلا عیسایی سواربیم و هەر ئێكسەر ئەز ب سلامەتی بۆ گوندێ دوبانكێ گەهاندم و ئەز چوومە بۆ مالا فەرماندە محەمەد حسین محو، و ل ڕۆژا دیتر ئەز بۆ بارەگایێ لیژنا ناوچا زاخۆ ل گەلیێ هاروینا چوم و بیمە مێهڤانێ هەڤالێ خۆە شەهید سوبحی عیسا كوركی و گەلەك قەدرێ من گرت و گوتە من نها ئەز یێ بویمە ئەندامێ لیژنا ناوچا زاخۆ، و ڤالەهی ل ئیدارا لیژنا زاخۆ یا ئێكەتیا قوتابێن كوردستانێ دا هەیە و من دڤێت تو ببی بەرپرسێ لیژنا قوتابیان و دەست ب كار و ئەركێ خۆە بكەی. شەهید سوبحی عیسا كیتابەك نڤیسیی و گوتە من ئەڤێ كیتابێ بۆ بارەگایێ لقێ ئێك ببەن و هەما ژوێڤە دێ بریارا تە یا بەرپرسیارەنیا لیژنا زاخۆ یا ئێكەتیا قوتابی و لاوێن دیموكراتی كوردستانێ دگەل خۆ ئینی و دەیت ب كارێ خۆەكی. من ئەو كیتاب بۆ لقێ ئێك ل گەلیێ زێوە بۆ و هەتا ئەز بۆ بارەگایێ لقێ ئێك چووم و ئەز زڤریم ماوێ بیست ڕۆژ پێدڤی چوون، پشتی بورینا چەند ماوەیەكێ ئەم ب كارەكی پارتایەتیێ بۆ دەڤەرا گوندێ بارهولێ چوین و مە ئەركێ خۆە ئەداكر. ئەم بۆ بارەگایێ لیژنێ ل گەلیێ هاروینا زڤرین و دەمێ ئەز گەهشتیم بۆ گوندێ تلاكرو من ئەو كەسە ب ناڤێ (خ) دیت ئەوی ئەو پۆستا كیفاحی نڤیسی و ئەوی كەسی ژێ وەرگرتی كوب ۆ بابرەگایێ لیژنێ ب هنێرت، بەلێ ئەو پۆستە دانا بوو سەر مێزا مودیر ئەمنێ زاخۆ و ل سەر كارێ هەڤالێ مە كیفاحی بوو شاهد. من گوتێ كورو (خ) تو ل ڤێری چ دكەی و ژبەر چ هاتیە ڤێرێ ؟، ئەوی گوت: ماتو نزانی هەڤالێ مە كیفاح یێ هاتی گرتن و هەر وەسا هەڤالێ مە عیسا ژی یێ هاتی گرتن و چەند هەڤالێن مە یێن دیتر یێن بۆ خوە رەڤین. هەر وەسا گوت: ئەڤە ئەز ژی یێ رەڤیم و هاتیمە ڤێرێ، من گوتێ: مانە تو بویی تە پۆستە دەیناتی سەر مێزا مودیر ئەمنی و تو ل سەر كیفاحی بویە دیدەڤان و ئەڤ ئاخفتن و گوتنە ئەڤە ژنا كیفاحی جەواهرێ ب خوە یێن بۆ من گوتین. هەر ل وێرێ من (خ) دەستەسەركر و برە بارەگایێ لیژنێ و بابەت بۆ بەپرسێ لیژنێ كو ل وی دەمی سلۆ خدر بەرپرسێ لیژنا ناوچا زاخۆ بوو. دەمێ من ئەڤ بابەتە بۆ بەرپرسێ لیژنێ گوتی. هەر ئێكسەر ئەو كەسە(خ) دەستەسەركرن و زیندانكرن. پشتی بورینا سی هەیڤان هەڤژینا شەهید كیفاحی هات بۆ گوندێ دوبانكێ مەسەلە بۆ من گوت و كو حكومەتا ئیراقێ هەڤژینیێ وێ كیفاح ب دەستێن بەعسیان هات سێدارەدان، مە سوز داهەڤژینا كیفاحی كو ئەم تولا ئەڤی قەهرەمانی ژ حكومەتێ ڤەكەین. ئەوبی ل ڕۆژا 22/8/1984ی هێرشا مەزن یا عەسكەرێ حكومەتا ئیراقێ و دگەل فەوجێن جاشان هیرشی بۆ سەر بارەگایێ لیژنا ناوچا زاخۆ و لیژنا ناوچا دهوكێ كرن، و شەرێ هەر مەزن و دژوار كەتە دەڤەرا گوندێ ئەرمشتێ و دەڤەرا گوندێ ئۆزمانا و زێوكێ و ناڤشكێ. بەلێ ب مخابنی ڤە ل ڕۆژا 26/8/1984ی شەهید كادر و ئەندامێ لیژنا ناوچا زاخۆ هەڤال سوبحی عیسا ل ناڤبەرا گوندێ دولا ئەرمشتێ هات شەهیدكرن. ئەڤی شەرێ هەتا ڕوژا 29/8/1984ی ڤەكێشا و گوندێ ئەرمشتێ ب دەستێن جاشان هات سوتن. دئەڤی شەرێ مان و نەمانێ و بەرخوەدانێ دا (9) نەهـ پێشمەرگە هاتن شەهیدكرن ئەوژی شەهید( سوبحی عیسا شەریف كوركی ئەندامێ لیژنا ناوچا زاخۆ، حاجی عوسمان ناسیار ب حاجی پشو، عەلی فەتاح سەرئافكی، عەلی رشید ئەرمشتی، محسن عەلی گەرگەری، فارس سالح كوچەر، حەسەن ئحمەد جانگیر، جەواهر ئیسماعیل ئەرمشتی، ئیسماعیل عەمەر هەوێری ناسیار ب بابێ هادی) و هەر وەسان هەژمارا چواردە پێشمەرگەیێن قەهرەمان دئەڤی شەڕێ بەرخوەدانێ دا بریندار بوون، ئەز مام وەك بەرپرسێ لیژنا زاخۆ یا قوتابیان، ئەو بوو ئەم وەك جەولە دگەل خودێ ژێ رازە مەلا رەمەزان یێ ناسیار ب (بەحەشتی) بۆ دەڤەرا گوندێن شیلانێ و كەشانێ چووین. بریار هات ڕەبیا عەسكەری ئەوا ل گرێ ئاخەسپیكێ ل دەڤەرا گوندێ دێمكا بێت لێدان ئەوبی هەژمارەكا رێكخراوێن سەر ب لیژنا ناژا زاخۆڤی ل ئەڤێ ڕەبیێ بدن. پشتی بەرێخوەدان بۆ ڕەبیێ هاتی كرن و جهێ لێدانێ و هیرشبرنێ هاتی دەستنیشانكرن، و ل شەڤا 29/8/1985ی دگەل دەمژمێرا دەستنیشانكری پێشمەرگەیی حوە بەرهەڤ كەن و ب ئەوی چەكی ل بەردەست هیرشی ئەڤێ ڕەبیێ كرن. بەلێ ب مخانیڤە ئەڤ رەبیە نەهات ستاندن و هەژمارا پێنج پێشمەرگەیێن قەهرەمان هاتن شەهیدكرن ئەوژی ( جەبار خواجە شیلانی، حەسەن محەمەد حەسەن شیلانی، خالد جونەید، تاهر رەمەزان، عەلی مەحمود كەشانی) ئەڤ هەر پێشنج وپێشمەرگە هاتن شەهیدكرن، و هەر وەسا فەرماندە محەمەد خالد بوسەلی و بەرێز مەلا رەمەزان قومری بەرپرسێ لیژنا ناوچا زاخۆ و عەبدولرەزاق حەسو كادرێ رێكخراوا شهید محمود یوسف و فەرماندە محەمەد حسێن نحو و ەمحەمەد حەسەن شەرنەخی و بەشیر محەمەد و حزنی گویی ئانكو هەژمارا دوازدە پێشمەرگەیان د ئەڤێ چالاكیێ دا هاتن برینداركرن، بەلێ ب مخابنی ڤە ناڤێن هەمیان ل بیرا من نەماینە، ئەوبی ل سالا 1986ی مە بوسەیەك ل بنێ ل سەر جادا د ناڤبەرا گوندێ خوالشێ و گوندێ بێتاسێ ل بەر ترومبێلەكا عەسكەری ڤەدا و پێشمەرگەیی هێرشی ئەڤێ ترومبێلێ كرن و چوار چەكێن ژ جورێ كلاشینكوف بین دەستكەفی و مە گوت ئەڤە مە تولا شەهید كیفاحی ڤەكر، ئەوبی ل كونگرێ ئێكەتیا قوتابی لاوان بریار هات دان ئەڤ هەردوو رێكخراوە ژێك جودا ببن، پاشی ئەوبی ئەز وەك ئەندام بەش بۆ بەشێ ڤەكولینێ هاتم ڤەگوهاستن، ل دەستپێكا سالا 1988ی ئەز پشكداری خولا توپچیێ بیم و مە شارەزایەكا باش بۆ ب كارئینا تۆپا هەشتێ و دو ملیم و توپا سەد و بیت میلم وەرگرتن. هەر وەسا ئێكەم چالا ب رۆژا 13/5/1988ی ئەسنادا لیژنا ناوچا زاخۆ وە ب هەڤكاری دگەل ئەسنادا لیژنا ناوچا دهوكێ مە بارەگایێ ئەمنا دهوكێ و ئاڤاهیێ پارێزگەها دهوكێ ل ناڤ سەنتەرێ دهوكێ ب توپا سەد و بیست ملیم توپبارانكر، ئەڤێ چالاكیێ رەنگەڤەدانەكا گەلەك مەزن ل دەڤەرا بەرلاڤە بوو. ل سپێدهیا ڕوژا 25/8/1988ی ئەم وەك لیژنە دا چەكێ خوە یێ گران بۆ دەڤەرا كوڕك و بلێجانێ بین. مە دیت فروكەیێن جەنگی بۆ سەر دەڤەرێ هاتن ول ئەوی دەمی من ئامیرێ رادیوێ هەبی و ئاخفتن و دنگێ سایقێن فرەوكەیێ ل سەر پێلا ئێف ئێم دكێشان. سەركردایەتیا وان ب ئەوی ئامیرەیی دگەل دئاخفتن و دگوتنێ دەڤەرێ كێمیا باران بكەن. ل ئەوی ناڤێن ئەوان ساقێن فەروكەیان ئێن دگۆتن ( ڕاكاران ) ئەوێ دیتر دگوتنێ( رۆكێت) هوسا مە دزانی یێن دگەل ئێك دئاخڤن. ئەم چوون هەتا گەهشتن بۆ دەڤەرا گوندێ غولدیا و بارهولێ و ل شەڤا دیتر د رێكا گوندێ بابیرێ و گوندێ گركا بەرواریا و ب شەڤێ ل جادا گشتی دەربازبین و بۆ گوندێ سەرەرو و گوندێ ئورە بەر سنوری چوین و هەر وەسا خێزانا مالا سالح حیدەر ژی دگەل مە بین و هەتا ئەم ل جادێ دەربازبین من كوڕێ حامد حەیدرێ رویسی ناڤێ وی رزگار بوو دانا سەر ملێن خوە و هەتا ئەم گەهشتین بۆ گوندێ تویلەرێ چوین بو گوندێ سەرەڕو و مە ل وێرێ خوارنا تێشتێ خوار و هەر چوین هەتا گەهشتین سەر سنوری و مە خۆە ڕادەستی حكومەتا توركیا كر، حكومەتا توركیا ئەم بۆ كەمپا كەرەكماغایی برن. پاشی ئەم بۆ كەمپا مچیچێ ڤەگوهاستن و ل ویرێ بۆ كەمپا دیاربەكر ئاكنجی كرین، ئەم ل ناڤ كەمپێ ماین هەتا سەرهلدانا بهارا سالا 1991ی بۆ كوردستانێ ڤەگەریاین و مە بەردەوامی دا كارێ پارتتایەتی و نوكە ژی وەك ئەندام مەكتەبا پشكا پەیوەندیان ل بارەگایێ لقێ هەشت ل سەر ئەركێ خۆە یێ بەردەوامم و ل دوماهیێ زور سوپاس بۆ رۆژنامەیا ئەڤرو بۆ ئەڤێ دیدارێ و سەردەم سەركەفتی بن.
