پشتی ڤه‌قه‌تیانێ دووباره دێ قاره‌مانیا ڤۆلی بۆلێ هێته رێكخستن
ئه‌ڤرۆ، نه‌وزاد هلۆری:
د داخوانیه‌كێ دا سه‌رۆكێ ئێكه‌تیا ڤۆلی بۆلێ ل پارێزگه‌ها دهۆكێ بۆ رۆژناما ئه‌ڤرۆ دیاركر كو ده‌ما چه‌ند سالایه ل هه‌رێما كوردستان و پارێزگه‌هێ قاره‌مانیێن ڤولی بولێ ل سه‌ر چو ئاستا نه‌هاتینه رێكخستن و گۆت: بزاڤ دهێنه‌كرن پشتی جه‌ژنا ره‌مه‌زانێ قاره‌مانیه‌ك ل دهۆكێ بهێته ئه‌نجامدان، ژبه‌ركو تیمێن خودان شیان و ئاست بلند ل پارێزگه‌هێ به‌رهه‌ڤن.
زێده‌تر عادل سه‌دیق گۆت: یانه‌یێن پارێزگه‌ها دهۆكێ بزاڤێن زۆر كێم د هاڤێژن كو تیمێن ڤۆلی بۆلێ ڤه‌كه‌ن و ئه‌ڤ یه‌ك بوویه ئه‌گه‌ر لاواز و به‌ره ب نه‌مانێ بچیت، داخوازێ ژ هه‌موو یانه‌یێن پارێزگه‌ها دهۆكێ دكه‌ین پشكداریێ د قارمانیا ڤۆلی بۆلێ دا بكه‌ن كو دهێته چاڤه‌ڕێ كرن ل گۆلانا بهێت ده‌ست ب چالاكیێن خوه بكه‌ین، مه پێشتر تیمێن بهێز هه‌بوون و قاره‌مانی ل سه‌ر ئاستێ كوردستان و ئیراقێ ده‌ستخوڤه ئیناینه و پشكداری د قاره‌مانیێن عه‌ره‌بی ژی دا كریه تایبه‌تی وه‌لاتێ مسرێ.
لدووماهیی ناڤهاتی ئه‌وچه‌نده ژی دیاركر د پلانێن وان دایه بۆ وه‌رزێ ئه‌ڤ ساله هه‌موو بزاڤا بكه‌ن بشێوه‌كێ رێكخستی یاریا ڤۆلی بۆلا پارێزگه‌هێ ڤه‌گه‌ڕینن ب دانانا قاره‌مانی و خولێن دادڤان و راهێنه‌ران پێخه‌مه‌ت پێشكه‌فتنا ڤێ یاریێ و بهیڤیا وێ یه‌كێ یانێن وه‌رزشی و لایه‌نێن په‌یوه‌ندیدار هاریكار و پشته‌ڤانبن.
