پشتی گوهۆرینان دێ بهایێ مۆبایلا ئەپل بلندبیت
ئەڤرۆۆ نیوز ، زنار تۆڤی:
د بەردەوامیا شەرێ ئەلیکترۆنی یێ دناڤبەرا ئەمریکا و چینێ دا، دۆنالد ترەمپێ سەرۆکێ ئەمریکا داخواز ژ کۆمپانیا ئەپل کریە کو ئێدی پشت بەستنێ ب وەلاتێ چین نەکەت بۆ بەرهەمئینانا هیچ ئامێرەکێ ئەلیکترۆنی یێ کۆمپانیێن وان.
ترەمپ داخواز دکەت ئێدی بۆ بەرهەمئینانا هەر بەرهەمەکێ ئەپل پشت ب وەلاتێ چینێ نەهێتە بەستن و بەلکو هەموو بەرهەمێن وێ ل وەلاتێ ئەمریکا بهێتە بەرهەمئینان، داکو چین ب هیچ جۆرەکێ مفای ژ ئەمریکا نەکەت.
هەکە ئەڤ بزاڤێن ترەمپی سەربگریت دهێتە پێشبینی دکرن کو هەر بەرهەمەکێ ئایفۆنێ ب گۆژمێ 500 بۆ 800 دۆلاران بچیتە سەر، چونکی دەستی کاری ل ئەمریکا گەلەک ژ وەلاتێ چینێ گرانترە، بتایبەتی وەسا بریارە 12 ئیلۆنێ کۆمپانیا ئەپل کۆمەکا بەرهەمێن نوو بێخیتە ناڤ بازاری کو گرنگترین ژی ئایفۆنا نوویە.
