پشتی 20 سالان ئێكەم سەركەفتنا دیرۆكی ب دەستڤە ئینا
هەلبژارتیێ سان مارینۆ پشتی بۆرینا 20 سالان ئێكەم سەركەفتن و دەستكەفت د دیرووكا خوە یا فوتبۆلێ دا ئینا و ژ ئاستێ چارێ پێشڤە هاتە ئاستێ سێیێ یێ كۆپا نەتەوەیێن ئۆرۆپا.
هەلبژارتیێ سان مارینو ئەوا ل 1990ێ هاتییە دامەزراندن، د یاریێن فەرمی دا چ سەركەفتن نەبووینە بتنێ ئێكجار هەبوو ئەوژی ل سالا 2004ێ ئەو ژی یارییەكا هەڤالینی بوو بەرانبەر لیشتنشتاین، لێ بوو ماوەیێ 20 سالێن بۆری سەرباری 140 یاریێن هەڤالینی و ڤاڤارتنێن ئۆرۆپا و مۆندیالێ ئەنجامداینە نە شیایە چو سەركەفتنان بینن.
ل پێنجێ ئەیلۆنا 2024ێ ئەڤ هژمارە هاتە شكاندن و ئێكەم سەركەفتن د دیرۆكا خوە یا فوتبۆلێ دا ئینا ئەوا بەرانبەر لیشتنشتاین ب گۆلەكێ سەركەفتی كو دبیتە سەركەفتنا دویێ ل سەر هەمان هەلبژارتی و ئەڤچارە ژی ژ چارچووڤەیێ گەڕا ئێكێ یا ڤاڤارتنێن نەتەوەیێن ئۆرۆپا ژ ئاستێ چار یا كۆما خوە، لێ تووشی خوسارەتیێ بوو بەرانبەر هەلبژارتیێ گابەرئەلتارق و دگەل هەمان هەلبژارتی وەكهەڤبوو، یا سەیر دگەل هەلبژارتیێ لیشتنشتاین جارەكا دی ب سەركەڤت 3-1 گۆلان وەكو قارەمانا كۆما خوە دەربازبوو.
وەلاتێ سان مارینۆ بچووكترین وەلاتە ل جیهانێ و رووبەرێ وێ 61.2كم چارگۆشەیە، رێژەیا ئاكنجیێن وێ 33 هزار كەسن، پشتبەستنا ئابۆرییا وێ ب گەشت و گۆزارییە سالانە سێ ملیۆن گەشتیار سەرەدانا وێ دكەن.
