پشتەڤانی ل شێوەكارێن كچ ناهێتە كرن
عەلی حاجی:
لۆزان موستەفا، كچەكا شێوەكارە ل زاخۆ، د دیدارەكێ دا بۆ رۆژناما ئەڤرۆ دیاركر كو ل دەستپێكێ ل قوتابخانێ وێ پشكداری د بەریكانەكێ دا دكر و هەتا نوكە یا بەردەوامە.
لۆزانێ گۆت: بۆ جارا ئێكێ ل قوتابخانێ من زانی بەریكانەیەكا وێنەكێشانێ یا هەی، من پشكداری تێدا كر بێی كو ئەز بزانم دێ چو رەنگان ب كارئینم یان ژی تێكەلكەم و ب وی رەنگی من دەست ب وێنەكێشانێ كر و هەتا نوكە یا بەردەوامم و تشتێ خۆش ل دەف من ئەوە كو د وێنەكێشانێ دا چو یاسا نینن كو شێوەكار ل دووف بچیت و هەر شێوەكارەك دشێت ب رێیا خوە هونەرێ خوە دەربڕینەكێ ژێ ببەت، د كارێ خوە یێ شێوەكاری دا مە چاڤلێكرن نەكریە بەلكو دشێم بێژم ئیلهامێ ژ شێوەكارێن دی ب رێیا خوە یا تایبەت وەردگرم و گەلەك حەزژ تێكەلكرنا رەنگان و چێكرنا وێنەیێن سروشتی دكەم و مالا من گەلەك پشتەڤانیا من دكەن، بەلێ ب شێوەیەكێ گشتی خەلك ب كێمی بەرێ خوە ددەنە هونەری و پشتەڤانیكرنا كچێ ژی یا كێمە، شێوەكاری وەكو حەزەكێ ل دەف من.
