پشكا رەوشەنبیری و راگەهاندنا پارتی هەژمارەكا چالاكیان ل دۆر رەوشا میدیایێ ئەنجام ددەت
ئەڤرۆ
پشكا راگەهاندن و رەوشەنبیری یا راگەهاندنا پارتی دیموكراتی كوردستان هەژمارەكا بازنەیان بۆ هەژمارەكا بەرچاڤ یا رۆژنامەڤان و رەشەنبیر و كەسانێن تایبەتمەند دانایە، كو دانوستاندنێ ل سەر چەند بابەتێن گرنگێن رۆژنامەڤانی دكەن، ب تایبەت رەوشا میدیایێ د ناڤ وێ فەوزایا نها یا سوشیال میدیایێ كا چاوان ب رەنگەكێ پراكتیكی دەزگەهێن میدیایی بشێن رۆلێ خوە وەكو دەستەلاتا چارێ بگێرن د ناڤ گێلەشوویا سوشیال میدیێ دا ئەڤا هەر كەسەك بۆ خوە ڤەدكێشیت.
ل رۆژا 10ی نیسانێ یا ڤی بازنەی دا هەر ئێك ژ د. سالار عوسمان، بەرپرسی پشكا ڕەوشەنبیری و ڕاگەهاندنا پارتی دیموكراتی كوردستان، بازنێ دانوستاندنێ، ئەلقا چارێ ب ناڤ و نیشانێن (میدیا كوردی قووناغ و بەرپرساتی) ئەنجامدا و تێدا هەر ئێك ژ (ئازاد جندیانی، د. سامان جەلال، د. سادق حەمە غەریب، ئازاد حەمەدەمین، نەرمین سندی، بەفرین سەلمان، شڤان حەمدی، د. نەزاكەت حوسێن، د. جەلال ئەحمەد و فەرهاد محەممەد) پشكدار بوون و دانوستاندن ل سەر بابەتی هاتە كرن.
ئەڤان پشكداربوویان بۆچوونێن جودا ل دۆر ڤێ كێشێ ب رەنگەكێ زانستیانە دان، دا كو د پاشەرۆژێ دا مفا ژێ بهێتە وەرگرتن.
