پشكا شووشتنا گولچیسكان ل شێخان دێ هێتە ڤەكرن
دهوك، لەزگین جۆقی:
ب بزاڤێن پەرلەمانتارێن پارتی دیموكراتی كوردستان ل پەرلەمانێ ئیراقێ پشكا شووشتنا گولچیسكان ل دەڤەرداریا شێخان دێ هێتە ڤەكرن.
كاڤین شێخ سەعید، ئەنداما پەرلەمانێ ئیراقێ بۆ رۆژناما ئەڤرۆ گوت: «پشتی مە داخواز ژ ساخلەمیا نەینەوا كری، بۆ ڤەكرنا پشكا شووشتنا گولچیسكان ل دەڤەرداریا شێخان، نوكە رازیبوون ل سەر داخوازیا مە هاتیە كرن، پشكا شووشتنا گولچیسكان ل شێخان دێ هێتە ڤەكرن و ئەڤە دێ بیتە بارسڤكی بۆ خەلكێ شێخان».
گۆتژی: «ئێدی پێدڤی ناكەت، نەخۆشێن گولچیسكان ل دەڤەرا شێخان قەستا جهێن دوور بكەن، بۆ وەرگرتنا چارەسەریێ و د ناڤ شێخان دا چارەسەریا نەخۆشێن گولچیسكان دێ هێتە كرن».
