پشكا چارەسەرییا پەنجەشێرێ ل زاخۆ هاتە ڤەكرن
زاخۆ، دلۆڤان هالۆ:
بۆ ئێكەم جار پشكا چارەسەرییا نەخوەشیا پەنجەشێرێ ل ئیدارەیا سەربخوە یا زاخۆ هاتە ڤەكرن و ئێدی نەخوەش پێدڤی ب چوونا دهۆكێ نابن بۆ وەرگرتنا چارەسەریێ.
دكتۆر سیروان ئەحمەد، ڕێڤەبەرێ گشتی یێ ساخلەمیا زاخۆ بۆ ڕۆژناما ئەڤرۆ دیار كر كو ب ئاڤاهیەكێ گۆنجایی و دابینكرنا دەهـ تەختان و پێدڤیێن چارەسەریێ خزمەتا نەخوەشێن پەنجەشێرێ دهێتە كرن.
دكتۆر سیروان گۆت: «نەخوەشێن پەنجەشێرێ چارەسەریێ وەردگرن و دزڤڕنە مالێن خوە، ب تنێ هندەك حالەتێن دەگمەن نەبن، كو ئەو دمیننە ل نەخوەشخانێ و چارەسەریەكا بەردەوام وەردگرن».
