پشكدارییا ئێكێ بەرهەڤییە بۆ هەڤڕكیێ ل وەرزێ بهێت
شاهۆ فەرید:
د داخویانیەكێ دا راهێنەرێ تیما لاوێن یانەیا پیرس بۆ رۆژنامەیا ئەڤرۆ دیار كر پشكدارییا وان د خولا پلا ئێكا كوردستانێ یا تەپا پێی ب تنێ بۆ مانا خوە د خولێ دا بوو و بەرهەڤییە بۆ وەرزێ دووڤدا كو هەڤڕكیێ بكەن.
زێدەتر هەرژەنگ بابەكر گۆت: پشتی چەندین سالێن ڤەقەتیانێ پێخوەشحالین دۆبارە وەكو یانەیا پیرس ڤەگەڕیاینە چالاكییان تایبەت خولێن كوردستانێ یێن تەپا پێی كو ئەڤ ڤەگەڕیانە و مانا تیمێ د خولێ دا ب خوە دەستكەڤتە بۆ یانەیا خوە دانین و مە پرۆژەیەكێ درێژ هەیە ژبۆ كاروانەكێ سەركەفتی و پێشئێخستنا وەرزشا پارێزگەها دهۆكێ.
هەروەسان ناڤهاتی گۆت: ئەو پێكهاتیێ تیما مە پشكداری د خولا كوردستانێ دا ل سەر ئاستێ تازەپێگەهشتیان دا كری ژ سەرجەمێ 25 یاریزانان ب تنێ سێ یاریزان د ژدایكبوویێن 2004ێ بوون و هەمی یاریزانێن دی د ناڤبەرا 2005- 2006ێ بوون، سەرەرایی گیرۆبوونا خولێ و ئەو كاودانێن كەفتینە د رێیا كاروانێ تیمێ دا ئەم شیاین تیما خوە پارێزین كو د بیتە پشكدارییەكا باش و بەرهەڤی بۆ وەرزێ بهێت هەڤڕكیێ ل سەر ناسناڤێ خولێ بكەین و ئەڤە ژی پلانا مەیە كو ب خوین گەرمێن یاریزانێن پارێزگەها دهۆكێ و دانانا شەنگستەكێ ئەكادیمی و شیانێن وەرزشی دناڤ یانەیا پیرس دا.
