پشكنینێن نوو ل نەخۆشخانەیا شۆڕەش – هێتویت دێ هێنە كرن
دهۆك، لەزگین جۆقی:
نەخۆشخانەیا شۆڕەش – هێتیت ل دەڤەرا ئامێدیێ ئێكە ژ پێشكەفتیترین نەخۆشخانەیانە، كو د كابینا نەهێ یا حكومەتا هەرێما كوردستانێ دا، ل پارێزگەها دهۆكێ هاتیە ڤەكرن، نوكە 24 دەمژمێران خزمەتێن ساخلەمیێ پێشكێشی خەلكی دكەت، بڕیارە ل ڤان نێزیكان پشكنینێن نوو ل وێ نەخۆشخانەیێ بهێنە ڤەكرن.
د. عەگید ئەمیر، ڕێڤەبەرێ نەخۆشخانەیا شۆڕەش – هێتیت بۆ ئەڤرۆ دیار كر، د 24 دەمژمێران خزمەتا هەمی حالەتێن تەنگاڤیان د ناڤ نەخۆشخانەیێ دا دهێتە كرن، دیسا تیشك و تاقیگەهـ بەردەوام خزمەتا نەخۆشان دكەن و گۆت: «ل نێزیك پشكنینێن نوو دێ هێنە ڤەكرن و رۆژانە نۆشدارێن تاییەتمەند خزمەتێن ساخلەمیێ ل شێرەتكارییان دێ پێشكێشێ نەخۆشان كەن».
