پشكەك ژ دیوارێن پالپشت ل نێزیك دەرگەهێ كەڤن یێ ئامێدیێ هەڕفتیە
ئامێدیێ، مەحمود نهێلی:
ژ ئەنجامێ بارانێن زۆر و هڕیانا ئەردی پشكەك ژ وی دێوارێ رێیا دەرگەهێ ئامێدیێ یێ كەڤن بناڤێ دەرگەهێ زێبارێ هەڕفتیە و مەترسی ل سەر جادەیا كەڤنا ئامێدیێ ژی دروست كریە.
ئێك ژ وەلاتیێن ئامێدیێ بناڤێ مێهڤان دیار كر، پشتی بارانا ڤێ داویێ، رێژەیەكا زۆرا ئاڤێ ل پشت دیواری كۆم ببوو و بوو ئەگەرێ هەڕفینا پشكەك ژ دیواری، هەروەسا مەترسی ل سەر هەڕفینا زێدەتر ژی هەیە و گۆت: «ئەڤ دیوارە وەكو رێیا ئامێدیێ یا دەرگەهێ زێبارێ دهاتە ب كارئینان و دكەڤیتە لایێ رۆژهەلاتێ باژێڕی، بەر و ئاخا ڤێ رێیێ دچیتە سەر جادەیا كەڤنا ئامێدیێ كو وەكو جهەكێ گەشتیاری دهێتە ب كارئینان».
گۆتژی: «هەڕفینا ڤی دیواری مەترسی ل سەر وان وەلاتیان دروست كریە یێن هاتنوچوونێ ل سەر ڤێ جادەیێ دكەن، لەو هیڤیدارین بەری هەموو ب هەڕفیت و كارەسات ژێ دروست ببن، بهێتە نووژەنكرن و چێكرن».
