پشکداری ئاھەنگێن سەرێ سالێ نابیت
ئەڤرۆ نیوز:
ھونەرمەند گۆان سالح، د دیدارەکێ دا بۆ رۆژناما ئەڤرۆ ئاشکرا کر کو گەلەک داخوازی بۆ گێرانا ئاھەنگێن گشتی یێن سەرێ سالا نوو 2016 بۆ وی ھاتینە، بەلێ ھەموو ژ لایێ وی ڤە ھاتینە رەتکرن و گۆت: من دڤێت شەڤا سەرێ سالا نوو وەکو ھەموو خەلکی د ناڤ خێزانا خوە دا بم، ژبەر ڤێ چەندێ من ھەموو داخوازیێن وان رەت کرن.
د لایەکێ دی دا ناڤبری ئاماژە دا وێ چەندێ کو ل رۆژێن بۆری وی کلیپا خوە یا نوو ل دۆر بابەتەکێ رۆمانسی ب ناڤێ (دلەکێ جوان) ژ پەیڤێن خوە و ئاوازێن شەھاب زەنگەنە بەلاڤکریە و گۆت: پشتی ئەڤ کاودانە ب سەر مللەتێ مە دا ھاتین خەلکێ مە پێدڤیا ب گوھداریا ڤان جۆرە سترانان ھەی داکو ھەتا رادەکی دەروونێ وان ئارام ببیت.
ناڤبری دیار کر کو ئەو دێ بەردەوام کارێن ھونەری یێن نوو پێشکێشی جەماوەرێ خوە کەت و گۆت: من ھزر د چێکرنا بەرھەمەکی دا کریە ل دۆر ئەو خۆشی و ئێمناھیا ل ھەرێما کوردستانێ ھەی، بەلێ ژ بەر کاودانان نوکە نەشێم کار تێدا بکەم.
ل دووماھیێ گۆران دبێژیت: من و ھەڤژینا خوە پەروازێ گەلەک پلان ھەنە کو ئەم چەندین کارێن ھونەری پێکڤە ئەنجام بدەین، بەلێ ھەتا ئەڤ پلانە نەکەڤیتە د وارێ ب جھئینانێ دا نەشێن ئاشکرا بکەین.
