پشکداری د خولێ دا پێنگاڤەکا گرنگە بۆ ڤەگوهاستنا تاقیکرنا وەلاتێ چینێ بۆ وەرزشا کوردستانێ
ب پشکدارییا هەرچار ڕێڤەبەرێن ڕێڤەبەرییا وەرزشی ل دهۆک، سلێمانی، سۆران و ڕانییا ل وەلاتێ چینێ پشکداری د دو خولێن جودا یێن وەررگرتنا پێزانێن دبوارێ وەرزشێ دا کرن، ئەوا ل دووڤ داخوازا وەزارەتا بازرگانییا وەلاتێ چینێ و بڕێیا وەزراەتا رەوشەنبیری و لاوان ل حوکمەتا هەرێما کوردستانێ ڤە هاتینە شاندن.
ل دۆر ڤێ یەکێ جەمال سلێمان ڕێڤەبەرێ وەرزشی ل پارێزگەها دهۆکێ بۆ رۆژنامەیا ئەڤرۆ گۆت: لدووڤ پرۆتۆکۆلەکێ دناڤبەرا وەزارەتا بازرگانییا وەلاتێ چینێ و وەزارەتا رەوشەنبیر و لاوان ل حوکمەتا هەرێما کوردستانێ ئەم چار ڕێڤەبەرێن باژیرێن کوردستانێ پشکداری د دو خولەکێن جودا یێن تایبەت دا کرینە ئەوژی یا ئێکێ خولا ڕاهێنانێ یا ئالۆگۆری وبانگەشەکرنا وەرزشا کەڤنەشۆپی دناڤبەرا چینێ و وەلاتێن عەرەبی د، یا دویێ خولا ڕاهێنانێ و ئالۆگۆری و بانگەشەکرنا وەرزشی بۆ گەنجێن عەرەبی.
هەروەسان ناڤهاتی گۆت: ئەڤ جورە خولە دبیتە جارا ئێکێ دناڤبەر کوردستانێ و چینێ دا کو قۆناغا دویێ یە پێشتر بەری دو حەفتیان ڕێڤەبەرێ وەرزشی ل هەولێرا پایتەخت پشکداربوو، دهێتە پێشبینیکرن ئەڤ دێ بەردەوامبیت هەتا نەهی ئەیلۆنا بهێت ل پایتەختێ چینێ بکین و ئۆرۆمیچ بەردەوامبن و ب شێوەیێ تیۆری و پراکیتیکی ژلایێ کۆمەکا مامۆستایێن پسپۆر و شارەزا ڤە هێتە گۆتن، دیسان سەرەدانێن مەیدانی بۆ جهێن جودا یێن دەستنیشانکری ژ بنگەهـ، یاریگەهـ و ژێرخانەیێن وەرزشی، دیسان ئەو بابەتێن تیۆری دێ ل سەر چاوانییا پێشئێخستنا وەرزشێ ل دانێ سپێدێ و ئێڤاری ژلایێ پسپۆرێن شارەزا هێنە گۆتن.
ل دووماهیێ جەمال سلێمانی گۆت: پشکدارییا مە د خولێ دا پێنگاڤەکا گرنگە بۆ ڤەگۆهاستنا تاقیکرن و شیانێن وەلاتێ چینێ وەربگرین ژبۆ پەرپێدانا و پێشئێخستنا زێدەتر کەرتێ وەرزشێ ل کوردستانێ و پارێزگەها دهۆکێ، ئەڤچا دێ هەموو بزاڤا کەین هەر نوویاتیەک و زانیاریەکا دهێتە دەستێ مە دا وەربگرین.
