پكشنین بۆ نێزیكی 12 هزار كێم ئهندامان دێ هێنه كرن
ههولێر، قائید میرۆ:
بریكارا وهزارهتا كار و كاروبارێن جڤاكی ئاشكرا كر، پرۆسا پشكنینێ بۆ نێزیكی 12 هزار كێم ئهندامان هاتیه دهستپێكرن و دبێژیت: ههر كهسهكێ رێژا قانوونی ههبیت دێ ژ پێشینهیا ههیڤانه یا كێم ئهندامان مفادار بیت.
زهكیا سهید سالح، بریكارا وهزارهتا كار و بارێن جڤاكی بۆ رۆژناما ئهڤرۆ دیار كر، پشتی راگرتنا پشكنینێن وهرگرتنا كێم ئهندامان، ژ لایێ لیژنهیێن تایبهتمهندڤه ل ههموو پارێزگههێن ههرێما كوردستانێ دهست ب پرۆسا پشكنینا كێم ئهندامان هاتیه كرن و گۆت: “بڕیاره پشكنین بۆ 11 هزار و 800 كێم ئهندامان بهێته كرن، پشتی پشكنین بۆ ههر كێم ئهندامهكی دهێته كرن ژ لایێ لیژنێڤه دێ رێژا كێم ئهندامیێ هێته دیاركرن و ههر كێم ئهندامهكێ دهرچوو دێ پێشینهیا ههیڤانه بۆ هێته مهزاختن”.
زهكیا سهید سالح گۆتژی: “بهردهوام پێداچوون بۆ لیستا كێم ئهندامان دهێته كرن و ههر كێم ئهندامهكێ ل گورهی قانوونێ نههاتبیته تۆماركرن دێ ناڤێ وی هێته لادان و وهزارهت دخوازیت لیستا كێم ئهندامان بهێته پاقژكرن، كێم ئهندامێن نوكه دهێنه تۆماركرن وهكی یێن بهرێ ژ پێشینه و شایستهیێن حوكمهتێ بۆ تهخا كێم ئهندامان دێ مفادار بن”.