پلاتفۆرمەكا كوردی ڤەكریە
دلۆڤان هالۆ
جیهاد ئیلباش، دامەزرێنەرێ (پلاتفۆرما كۆردولینگۆ) د دیدارەكێ دا بۆ رۆژنامەیا ئەڤرۆ گۆت: من ئەڤ پلاتفۆرمە بۆ فێركرنا زمانێ كوردی ڤەكریە، و ل (35) وەلاتان خەلك ب رێكا وی خۆ فێری زمانێ كوردی دكەن و ئارمانج ژ ڤەكرنا ڤێ پلاتفۆرمێ ئەوە فێركرنا زمانێ كوردی یە ب تەكنۆلۆژیا سەردەم ل سەرانسەری جیهانێ.
هەروەسا گۆت: وانە ب ڤیدیۆ و دەنگ و نڤیسین و پەرتووكێن زارۆكان و پەرتووكێن جیهانی یێن وەرگێڕای بۆ زمانێ كوردی تێدا هەنە، ئەڤ پلاتفۆرمە نە بتنێ ژبۆ كوردان بەلكو خەلكێ بیانی یێن گەلەك وەلاتان ژی بوویە جهێ دلخۆشیێ و حەزدكەن ب رێكا وی خۆ فێری زمانێ كوردی بكەن.
