پلانا رزگارکرنا مۆسل گەلەک باش یا برێڤە دچیت

ئەڤرۆ نیۆز،زنار تۆڤی:
فەرماندێ هێزێن پۆلیسێن فیدرالی یێن عێراقێ فەریق رائید جەودەت دا دیارکرن،کو شەرێ مۆسل ل دووڤ وێ پلانا بۆ هاتیە دارێژتن یا برێڤە دچیت و هێزێن پۆلیسێن فیدرالی شیاینە ل تاخێ شیفا ل باکۆرێ باژێرێ کەڤن پێشڤە بچن،ب مەرەما هندێ بشێن کونترۆلێ ل سەر رەخێن رووبارێ دیجلە بکەن و هەروەسا بەرپێن داعشێ بەرتەنگ بکەن ل رەخێ مزگەفتا نوری ڤە.
ئەو ژی دیارکر:کو هێزێن وان شیاینە ل باشۆرێ باژێرێ کەڤن دربێن کۆژەک ل بارەگایێن داعشێ بدەن ب چەک و تۆپێن گران.
هەروەسا گۆتیە:داعش ب چەکێن وەکی نیشانشکێنا و ترۆمبێلێن مینرێژکری و تی ئێن تی کرنا ئاڤاهیان و رێکێن هاتنۆچوونێ شەری دکەن و هەروەسا ئەو خوە ڤەدشێرن د کۆلانێن بەرتەنگ و جهێن پری مرۆڤ دا.
دیسا ئەم وەسا هزر دکەین کو چەند سەدەیەک ژ تیرۆرستان کو پرانیا وان عەرەب و بیانینە یێن هاتینە دۆرپێچکرن ل دەوروبەرێن مزگەفتا نوری ل مۆسلێ.
هەروەسا ژلایێ مرۆڤایەتی ڤە رائید جەودت دیار دکەت:کو مە 4 رێکێن سەرەکی ڤەکرینە بۆ دەرخستنا وەلاتیێن مەدەنی ل باژێرێ کەڤن،دیسا مە گەلەک هێزێن ئەمنی ل وان جهێن هاتینە رزگارکرن خۆجهکرینە،داکو چاڤدێریا شانێن نڤستی یێن داعشا تیرۆرستی بکەن.

کۆمێنتا تە