پلانا زێدەكرنا بەرهەمێن پرۆژێن ئاژەلداری دێ هێتە جێبەجێكرن
ئەمیر ئەترووشی:
بەرپرسەكێ وەزارەتا چاندنێ و ژێدەرێن ئاڤا حوكمەتا هەرێما كوردستانێ راگەهاند، ل جهێ زێدەكرنا هژمارا پرۆژێن ئاژەلداریێ، دێ پلانا زێدەكرنا بەرهەمێن پرۆژێن ئاژەلداری جێبەجێ كەین كۆ ب خۆشحالیڤە ئەنجامەكێ باش هەبوویە و گۆت: هەژمارا پرۆژێن قەلەوكرنا گۆلكان ژ 54 پرۆژان بووینە 100 پرۆژە و هەژمارا گۆلكێن وان پرۆژان ژی ژ 16 هزاران بووینە 78 هزار گۆلك.
فیراس سدیق، رێڤەبەرێ سامانێن ئاژەل ژ وەزارەتا چاندنێ و ژێدەرێن ئاڤی راگەهاند:» د چوار سالێن دەربازبویی یێن كابینا 9ێ یا حوكمەتا هەرێما كوردستانێ پێشكەڤتنێن باش د كەرتێ ئاژەلداریێدا چێبوویە، هەژمارا پرۆژێن چێلێن شیری ژ 68 پرۆژان بووینە 87 پرۆژە، هەژمارا چێلێن شیری ژ حەفت هزاران بۆ چاردە هزار چێلان بلندبوویە».
گوت ژی:» ل جهێ زێدەكرنا هژمارا پرۆژێن ئاژەلداریێ، دێ پلانا زێدەكرنا بەرهەمێن پرۆژێن ئاژەلداری جێبەجێ كەین كۆ ب خۆشحالیڤە ئەنجامەكێ باش هەبوویە و هەژمارا پرۆژێن قەلەوكرنا گۆلكان ژ 54 پرۆژان بوویە 100 پرۆژە و هژمارا گۆلكێن وان پرۆژان ژی ژ 16 هزاران بووینە 78 هزار گۆلك».
بەحسا وێ یەكێ ژی كر :»ئەڤ پرۆژە دەرفەتێن كاری چێ دكەن و ژێدەرێن داهاتێ تاك و حوكمەتێ ژی زۆر دكەن و كار دكەین بگەهینە ئاستێ پركرنا پێدڤیێن ناڤخۆ و فرێكەینە دەرڤە ژی».
رێڤەبەرێ سامانێن ئاژەلی ل وەزارەتا چاندن و ژێدەرێن ئاڤێ گۆت :» د كەرتێ پەلەوەری ژیدا مە پلان هەیە كۆ گۆشت و هێكان ب كوالێتەكا باش بۆ وەلاتیان دابین بكەین.
