پلانا ژماره (2) !
بۆ ههر كارهكى و پرۆژهكى چ ئابوورى بیت چ سیاسى بیت و چ لهشكرى بیت و چ ئیدارى بیت پلانهك دئێته دانان كو بگونجیت دگهل كاودانا و پێدڤیێن وێ قووناغێ!! بهلێ زۆربهیى جارا دگهل پلانێ پلانهكا دى یا یهدهك دئێته دانان بۆ ههر ئهگهرهكى كو پلانا ئێكى ب دروستى جێبهجێ نهبیت دا ئهڤ پلانه جهێ وێ بگریت!
د وارێ سیاسى و لهشهكری دا ئهڤ چهنده گهلهك دئێته بكارئینان، ئانكو پتر ژ پلانهكێ بۆ ههر كار و كریارهكێ دئێنه دانان! بهلێ مخابن ئهگهر ئهم ل مێژوویا كوردى و لایهنێن سیاسى یێن كوردى بزڤرین دێ بینین كو زۆربهى جارا پلانا شهرى و كرنا شۆرهشێ ههبوویه و درووشمهك بۆ دانایه، بهلێ پلانا پاراستنا دهستكهفتان و پلانا پشتى شۆرهشێ نهبوویه و ئهگهر ههبا ژى رێكهفتن لایهنا ههمیا ل سهر نهبوویه! لهورا دوژمن دشیان زوو و ب پیلان شۆرهشا ژ ناڤ ببهن!!
ئهڤ بارودوخێ نوكه كوردستان تێدا دبۆریت زۆرێ ههستیار و مهترسیداره ژ ههمى لاڤه!! بگره ژ شهرى و قهیرانا و ناكۆكیێن سیاسى و خرابیا رهوشا ژیارا خهلكى كو گههشتیه رادهكێ گهلهك خراب!! بهلێ د بینى هندهك لایهنا پرۆژه و پلان بۆ سهربخۆیا كوردستانێ ههیه و دارێتیه و هندهك لایهنا پلان بۆ مانا كوردستانێ دگهل عیراقێ ههیه تا ئهڤ قووناغه دئێته دهربازكرن! و هندهك لایهنا ههر پلان نینه، بهلكو دئێنه بكارئینان بۆ ژناڤبرنا بیرۆكا سهربخۆیا كوردستانێ!
بهلێ مخابن چ ژڤان لایهنا پلانا یهدهك ئانكو پلانا ژماره 2 نینه كو ئهگهر هات و پلانا ئێكێ سهرنهگرت پلانا دویێ بكار بین!! و د ڤان كاودانا ههمیان دا لایهنێن سیاسى بۆچوون و بریارا خهلكى تارادهكێ مهزن پشتگوه كریه و خوه كریه نوونهرێ خهلكى و ب ناڤێ وان پلانا خوه جێبهجێ دكهن!! و هندهك لایهن ب ئاشكرا و هندهك ب نهێنى ب تمامى دژى وهرگرتنا بۆچوونا خهلكینه، ئانكو رێگرن كو ریفراندوم بێته كرن بێی بزانن بۆچوونا خهلكى چ بیت!! چونكى پلان بو پشتى قووناغا ریفراندۆمێ نینه و ئهو لایهنێن پشتهڤانیا ریفراندۆمێ دكهن و دبینن مافهكێ رهوا یێ خهلكی یه كو بریارێ ل سهر چارهنڤیسێ خوه بدهت وان ژى پلانا پشتى ریفراندۆمێ نینه كا دهرئهنجام دێ چ بیت و د چ روو دهت!.
تشتێ سرنجراكێش ئهوه زۆربهیى لایهنێن كوردى پلانا ژماره 2 نینه بۆ چ كاودانا بهلكو زۆر جارا ئهگهرێ شكهستنێ دكهنه پیلان و مێژوو!! و دبێژن مێژوو بۆ كوردان خوه دووباره دكهت! بێى هزر بكهن كو دبیت پلانا وان یا سهرهكى ئهگهرێ شكهستنێ بیت! بهلێ خهلك ڤێ جارێ دێ رازی بیت هندهك لایهن یاریا ب چارهنڤیسێ وان بكهن ژبهر ناكۆكیێن حزبى وهكى نوكه ل سلێمانیێ و كهركووكێ و چهند دهڤهرێن دى روو ددهت!! یان دێ ههلویست ههبیت و دێ خوه ژ گریێن حزبى و ناوچهگهرى رزگاركهن و كاری بۆ مافێن نهتهوا كورد كهن!!
زۆربهیى لایهنێن كوردى پلان بۆ وێ چهندێ نهدانایه كو ئهگهر هات و وهلاتێن زلهێز وهكى ههمى جارا كورد بۆ ژناڤبرنا تیرۆرێ بكارئینان و شهر ب كوردان هاته كرن و پاشى داخوازیێن وان پشتگوه بكهن و ببنه رێگر كو نهگههنه ئارمانجێن خوه!! و یا خویایه كو د سیاسهتێ دا ههمى تشت چێ دبن و روو ددهن !! یان ڤان لایهنا پلان ههیه بۆ چهوانیا رهفتاركرنێ دگهل بهغدا پشتى داعش ب دووماهیك دئێت!.
ههرێما كوردستانێ دهڤهرهكا دوورپێچ كریه و دوژمن ب سهناهى دشێن پیلانا بگێرن و كێشا بۆ كوردان دروست بكهن، لهورا كورد پێدڤى وێ چهندێ نه كو پلان بۆ ههمى سهكتهرێن ژیانێ ههبن و بۆ ههمى قووناغا و ههمى كاودانێن سیاسى و پلانێن یهدهك ههبن، ئانكو پلانا ژماره 2 ژبۆ دهربازكرنا ڤان كاودانێن بهرتهنگ و پاراستن و ئارامكرنا خهلكى ههبن!! ئهگهر نه دێ ب سهناهى جارهكا دى تووشى گرفت و شكهستنا بین و دێ ههمى تشتا ژ دهست دهین!.
