پلانهكا سترایژی بۆ بازارگهریا گهشت گوزارا دهۆكێ هاتیه دانان
ئهڤرۆ، مهحمود نهێلی:
ژ پێخهمهت پێشڤهبرنا ئاستێ كهرتێ گهشت و گوزاری ل دهڤهرێ و و بازارگهریكرنا ڤی كهرتی د. خهیری عهلی ئوسۆ، رێڤهبهرێ گشتی یێ گهشت و گوزارێ ل پارێزگهها دهۆكێ و شاندهكێ د گهل دا ل گهل پتر ژ 20 دهزگههێن راگههاندنا ئیراقی و ههرێمێ سهرهدانا چهندین جهێن گوزاری یێن دهڤهرا ئامێدیێ ژ وان سیلاڤا ئاشهوا، كۆمهلگهها ئاڤاشین ل گهلیێ شێرانه، هاڤینگهها سیلاڤێ و شكهفتا ئێنیشكێ كر.
دكتۆر خهیری عهلی، رێڤهبهرێ گشتی یێ گهشت و گوزارا دهۆكێ دیار كر، وان پلانهكا ستراتیژی دانایه ژ بۆ پێشڤهبرنا كهرتێ گهشت و گوزاری ل پارێزگهها دهۆكێ، كو ژ 43 ستراتیژیان پێك دهێت، كو ئێك ژ وانا بازارگهریكرنه و گۆت: “مه نێزیكی 14 كهنالێن راگههاندنا عهرهبی و كۆمهكا كهنالێن كوردی ئیناینه دهڤهرا ئامێدیێ بۆ وێ یهكێ ئهم بازارگهریێ بۆ كهرتێ گهشت و گوزارێ ل پارێزگهها دهۆكێ بكهین”.
گۆتژی: “هاتنا كهنالێن راگههاندنێ بۆ ڤێ دهڤهرێ بۆ وێ یهكێ بوویه، كو ب ڕێكا چێكرنا راپۆرتان كهرتێ گهشت و گوزاری ل پارێزگهها دهۆكێ ببۆ وهلاتێن عهرهبی بهێته دیاركرن و بهێته زانین كو پارێزگهها دهۆكێ زهنگین ترین پارێزگههه ل سهر ئاستێ ئیراقێ ژ لایێ گهشت و گوزاری ڤه.
