پلان دژی یانەیێن كوردستانێ بەردەوامە
شاهۆ فەرید
ئەڤە بۆ ماوەیێ نێزیكی دەهـ وەرزانە ل دووڤ ئێك قارەمانێ خولێ ژ یانەیێن بەغدایی نا دەركەڤیت و هەر سێ یانەیێن جەویە، زەورا و شورتە دناڤبەرا خوە دا لێگڤەدكەن دووماهی جار قارەمانێ خولێ ژ دەرڤەی بەغدا ل وەرزێ 2014-2015ێ یانەیا نەفت ئەلوەسەت دەستڤە ئینابوو، دووڤدا هیچ یانەیەكا دی نەبریە، ئەڤە وێ چەندێ دگەهینیت كو گەندەلی پتر یا لێهاتی دناڤا لژنەیێن سەر ب فدراسیونێ ڤە، چ رێكا هەبیت ئاسانكاریێ بۆ هەرسێ یانەیێن ناڤهاتی دهێنە كرن.
د دەمەكی دایە ئەڤە دو وەرزە هەردو یانەیێن پارێزگەهێ دهۆك و زاخۆ ب هێز دهێنە دخولێ دا و ئارمانجا رێزێن ئێكێ دكەن لێ بمخابنیڤە ب هەموو ڕێكا ل بەر هەردو یانەیان دگرن كو نە گەهنە ئارمانجێن خوە، شاشیێن كۆژەك و ب پلان یێن دادڤانان دژی هەردو یانەیان، دەستپێكێ زاخۆ و ئەڤجارە ژی دهۆكێ، كەسێن دناڤ دەستهەلاتا فدراسیونێ دا هەموو كاران بۆ بەرژوەندییا یانەیێن بەغدایی دكەن، زێدەباری شەڕێ سۆشیال میدایی و ڕاگەهاندنێ دژی هەردو یانەیان ب بوهانێن جودا و بێ بنەما، ئەڤە ژی بەلگەیە كو ب هەموو لایەكی ڤە دژی یانەیێن كوردستانی كاردكەن و ناهێلین پێشڤە بهێن ژ یانەیێن بەغدایی باشتربن، هەرچەندە ئینانا سیستەكێ لالیگایێ و ئامیرێ ڤارێ بۆ هندێ كو چو دەستكاری و زولم ل یانەیان نە هێتە كرن، لێ مخابنیڤە زۆلمەكا ئێكجار مەزن ل هەرچار یانەیێن كوردستانی دهێتە كرن و ئەڤە هەموو ژی بۆ خاترا وێ چەندێیە یانەیەكا بەغدایی ناسناڤی ببەت و هەردوكێن دی رێزێن دویێ و سێیێ بهێن دا پلێتا قارەمانیێن دەرڤە گەرەنتی كەن، لەوما ژی هندی ئەڤ هزرو بیرە هەبن پیلان دژی یانەیێن كوردستانی بەردەوامبیت.
یا من دڤێت ب گەهینم دخوازێ ژ هەر چوار یانەیێن كوردستانی دكەم قەبوول نەكەن ئێدی دادڤانێن ناڤخوە یاریێن هەوە بڕێڤەبەن داخوازا دادڤانێ بیانی بكەن ئەگەر نیڤا خەریجیاتا ژی ستویێ خوەڤە بگرن، چۆنكو چ دادپەروەریێ ناكەن و ئیك ژ دادڤانێن خولی دیدارەكێ دا دیاركربوو حەز ژ فوتبۆلێ ناكەت، ئەگەر فێدراسون و لژنەیا دادڤانان خوەش جامێرن بلا پێرابوونا دگەل بكەن لێ پا ئاشكەرایە ئەوی ژی دەست دگەل پلانان هەیە، بهیڤینە یانەیێن مە هەلوەست و پێنگاڤێن ب كریار هەبن ژبۆ پاراستنا سەنگا خوە و كوردستانێ.
