پله‌یستێشن و ئێکس بۆکس زیانێ دگەهیننە زارۆیان
ئەڤرۆ نیۆز،زنار تۆڤی:
زۆربەیا زارۆیێن ڤی سەردەمی،ب شەڤ و رۆژان دەمەکێ زۆر ب یاریکرنا ئامیرێن ئەلیکترۆنی یێن وەکی پلەیستێشنێ و ئێکس بۆکسێ ڤە دبورینن،ئەڤە گەهشتیە ئاستەکێ کو دایک و بابێن وان گەلەک ژ وان نیگەران دبن.
بێگومان گەلەک روونشتن ب ڤان یاریان ڤە،كاریگه‌ریەکا نەرێنی دکەتە سەر ساخلەمی و جەستە و دەروونێ زارۆیان،ل دووڤ شرۆڤەیێن نۆشدار و شارەزایێن دڤی واری دا،زیانێن ب سەربرنا دەمەکێ زۆر ژلایێ زارۆیان ڤە ل سەر یاریێن پلەیستێشن و ئێکس بۆکسێ ب چەند خالەکێن کورت دیار دکەن،هەتاکو دایک و بابێن وان لێ ئاگەهدار ببن:
1.ئەڤ یاریە زارۆیان بەرەف گۆشەگیریێ ڤە دبەن و هەروەسا زارۆ حەز ناکەن تێکەلیا خەلکێ بکەن دناڤ جڤاکی دا.
2.زارۆ تۆشى گێژبوونێ و دل نەرحەتیێ و توورەیێ دبن و شیانێن وان یێن دیتنێ ژی كێم دبن،هه‌روه‌سا مەترسیا تووشبوونێ ب نەخۆشیا(صرع) ێ بۆ وان پەیدا دبیت.
3. تبلێن ده‌ستێ وان تووشی لەرزۆکیێ دبن، خواربوونا پشتێ و نه‌خۆشیێن بربرا پشتێ ژی دێ بۆ وان پەیدا بیت.
4. دیتنا وان كریارێن د پله‌ی ستێشنێ و ئیکس بۆکسێ دا،دێ زارۆیان بەرەف شه‌رکرنێ و توورەبوونێ و ره‌وشتێ نەشرین ڤە بەن.
5.شیانێن هزرکرنێ و تێگه‌هشتنێ ل دەف زارۆیان کێم دکەت.
