پلێن گه‌رمێ دێ هێنه‌ خوار و باران دێ باريت

رێڤه‌به‌ريا كه‌شناسى و بيڤه‌له‌رزێ ل هەرێما کوردستانێ راگه‌هاند كو سوبه‌هى رۆژا چارشه‌مبى رێكه‌فتى 2ى چريا دويێ 2016ێ دێ باران ل ده‌ڤه‌رێن جودا باريت و پلێن گه‌رمێ نزم بن.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ هاتنا فشارێن نزمێن ده‌ريا قه‌زوين بۆ سه‌ر هه‌رێما كوردستانێ دهێته‌ پێشبينيكرن ئه‌سمانێ دهۆكێ دێ ژ ئه‌وره‌كێ كێم بۆ ئه‌وره‌كێ ته‌مام هێته‌ گوهۆڕين و دێ باران ل ده‌ڤه‌رێن جودا باريت.

پشكا پێشبينيان دايه‌ زايه‌ زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 15كم دا و ماوێ ديتنێ ژى دێ د ناڤبه‌را 8 بۆ 10 كم دا بيت، پلێن گه‌رمێ ژى دێ ب 4 بۆ 6 پلان هێنه‌ خوار ب ره‌نگه‌كى د ناڤبه‌را 12 بۆ 18 پلان دا بيت.