پلێن 172 ئه‌فسه‌رێن هێزێن ناڤخوه ل دهۆكێ دێ هێته بلندكرن
ئه‌ڤرۆ:
پارێزگارێ دهۆكێ سه‌ره‌دانا پشكدارێن خولا پله‌بلندكرنا ئه‌فسه‌رێن هێزێن ناڤخوه‌یی ل رێڤه‌به‌ریا هاتنوچوونا پارێزگه‌ها دهۆكێ كر و گۆت: پاراستنا ته‌ناهیا ده‌ڤه‌رێ و یا وه‌لاتیان ئه‌ركێ هێزێن ناڤخوه‌یی و پێشمه‌رگێ كوردستانێ یه، له‌و دڤێت هه‌موو رێزێ ل یاسایێ بگرن و ئه‌و كێشێن رۆژانه دهێنه پێش، ب رێكێن یاسایی بهێنه چاره‌سه‌ركرن و هه‌رده‌م یاسا سه‌روه‌ر بیت.
د. عه‌لی ته‌ته‌ر، پارێزگارێ دهۆكێ دوهی سپێدێ 1/2/2022 سه‌را خولا تایبه‌ت یا پله‌بلندكرنا ئه‌فسه‌رێن هێزێن ناڤخوه یی ل رێڤه‌به‌ریا هاتنوچوونا پارێزگه‌ها دهۆكێ ل دومیز دا و ژلایێ عه‌مید ئیبراهیم عه‌گید سدیق، رێڤه‌به‌رێ هاتنوچوونا پارێزگه‌ها دهۆكێ و عه‌مید فه‌خری ئه‌حمه‌د، رێڤه‌به‌رێ پۆلیسێن پارێزگه‌ها دهۆكێ و رێڤه‌به‌رێن هێزێن دی یێن ناڤخوه‌یی پێشوازی لێ هاته كرن.
پاشی پارێزگارێ دهۆكێ سه‌را خولا تایبه‌ت یا پله‌بلندكرنا ئه‌فسه‌رێن هێزێن ناڤخوه‌یی دا و ژ نێزیك سه‌حكره پروسا ئه‌نجامدانا تاقیكرنێن دووماهیێ، كو ژلایێ ئه‌فسه‌رێن پشكدارڤه دهێنه كرن.
پارێزگارێ دهۆكێ د په‌یڤه‌كێ دا گوت: “پاراستنا ته‌ناهیا ده‌ڤه‌رێ و یا وه‌لاتیان ئه‌ركێ هێزێن ناڤخوه‌یی و پێشمه‌رگێ كوردستانێ یه، له‌و دڤێت هه‌موو رێزێ ل یاسایێ بگرن و ئه‌و كێشێن رۆژانه دهێنه پێش، ب رێكێن یاسایی بهێنه چاره‌سه‌ركرن و هه‌رده‌م یاسا سه‌روه‌ر بیت و داخوازا سه‌ركه‌فتنێ بۆ هه‌موو پشكدارێن خولێ كر.
هه‌ژی گوتنێ یه د ڤێ خولێ دا و پشتی تاقیكرنه‌كا تایبه‌ت پله‌یا (172) ئه‌فسه‌رێن هێزێن ناڤخوه‌یی دێ هێته بلندكرن
