په‌رله‌مانتاره‌ك هاته ده‌سته‌سه‌ركرن
ئه‌ڤرۆ نيوز، فاتما مزوورى:
په‌رله‌مانتاره‌كێ به‌رێ يێ جه‌هه‌پێ ل سته‌مبۆل ب تۆمه‌تا ئه‌ندامبوونا د رێكخستيا چه‌كدارى يا تيرۆرستى دا ژ لايێ هێزێن ئه‌منى يێن توركيا ڤه هاته ده‌سته‌سه‌ركرن.
ب گۆره‌ى پێزانينان، ئه‌ڤرۆ رۆژا ئه‌ينى 29ێ خزيرانا 2018ێ ل سه‌ر داخوازيا دوزگه‌رێ گشتى يێ كۆمارى ل سته‌مبۆل هێزێن ئه‌منى يێ، توركيا، په‌رله‌مانتاره‌كێ پارتيا گه‌ل يا كۆمارى “جه‌هه‌په” ل سته‌مبۆل ب ناڤێ ئه‌ره‌ن ئه‌رده‌م ل باژێرێ ئه‌نقه‌ره ده‌سته‌سه‌ركر.
ئه‌ره‌ن ئه‌رده‌م د ئاگه‌هداريا ده‌رباره‌ى ده‌سته‌سه‌ركرنا خوه دا، ل سه‌ر تۆڕا خوه يا تويته‌رى ژى به‌لاڤ كريه و تێدا راگه‌هانديه كو ل ئه‌نقه‌ره ژ لايێ هێزێن ئه‌منى ڤه هاتيه ده‌سته‌سه‌ركرن، به‌لێ دياركريه كو ئه‌و سه‌ده‌ما وێ ئێكێ ژى نزانيت.
ب گۆره‌ى ميديا توركيا، په‌رله‌مانتارێ جه‌هه‌پێ يێ هه‌ردو خولێن 25 و 26ێ يێن په‌رله‌مانێ توركيا، ل سه‌ر داخوازا دوزگه‌هرێ گشتى يێ كۆمارى يێ سته‌مبۆل ب تۆمه‌تا ئه‌ندامبوونا د رێكخستنا چه‌كدارى يا تيرۆرستى دا هاتيه ده‌سته‌سه‌ركرن.
ميديايێن توركيا دياركريه كو پشتى وه‌رگرتنا رێكارێن قانوونى و ئه‌منى ئه‌و په‌رله‌مانتارێ به‌رێ يێ جه‌هه‌پێ بۆ سه‌مبۆلێ هاتيه ره‌وانه‌كرن.
ئه‌ره‌ن ئه‌رده‌م د هه‌لبژارتنێن ڤێ جارێ يێن په‌رله‌مانێ توركيا كو رۆژا 24ێ خزيرانێ پێنج رۆژان به‌رى نها هاتنه ئه‌نجام دان و ڤێ جارێ په‌كه‌كێ وه‌كو به‌ربژار نه‌هاتبوو دياركرن ژ به‌ر وێ چه‌ندێ كو هه‌ڤركى د ناڤبه‌را وى و به‌رپرسێن وێ پارتيێ دا ده‌ركه‌فت بوون.
پشتى كو جه‌هه‌په نه‌شيايى د هه‌لبژارتنێن 24ى خزيرانێ دا سه‌ركه‌فتنێ ب ده‌ست خوه ڤه بينيت، سه‌رۆكێ گشتى يێ جه‌هه‌پێ، كه‌مال كليچدار ئوغلۆ ده‌ست ژ سه‌رۆكاتيا وێ پارتيێ به‌ردا.
