په‌رله‌مانتاره‌ك: پێكئینانا حوكمه‌تا نوو بێ ره‌وتێ سه‌دری یا ب ساناهی نینه
ئه‌ندامێ جڤاتا نوونه‌رێن ئیراقێ ژ فراكسیۆنا پارتی، شوان محه‌مه‌د راگه‌هاند، بزاڤ هه‌نه بۆ خستنا ده‌رزان دناڤ هه‌ڤپیه‌مانیا سێقۆلی (ره‌وتێ سه‌در، پارتی و ئه‌ره‌بێن سوننه) به‌لێ ئه‌و هه‌ڤپه‌یمانی یا ب هێزه و وان بزاڤان سه‌رنه‌گرتیه، دیاركر ژی پێكئینانا حوكمه‌تا نوو بێ ره‌وتێ سه‌دری یا ب ساناهی نین، هه‌روه‌سا دیاركر، سه‌دری ده‌لیڤه یا دایه ئالیان تاكو حوكمه‌تێ بێ ره‌وتێ وی پێكبینن، به‌لێ ئه‌سته‌مه حوكمه‌ت بێ ره‌وتێ سه‌دری، له‌وما پێدڤیه ئالیێن شیعی دناڤ خوه دا بگه‌هنه رێككه‌فتنێ. ئاماژه‌كر ژی، پارتی و سوننه ناخوازن ره‌وتێ سه‌دری ئۆپۆزسیۆن بیت، چونكه پێكئینانا حوكمه‌تێ بێ سه‌در یا ب ساناهی نینه و دێ رۆژانه خوه‌نیشادان په‌یدابن سه‌قامگیری نابیت.
