په‌رله‌مانێ فره‌نسا راپۆرته‌كێ ل دۆر ئاواره و په‌ناره‌رێن سنوورێ پارێزگه‌هێ به‌رهه‌ڤ دكه‌ت
ئه‌ڤرۆ:
د. عه‌لی ته‌ته‌ر، پارێزگارێ دهۆكێ دوهی 14/9/2021 ل كوچكا مێهڤانداریان پێشوازی ل ئولیڤیێ دیكیوتینی، قۆنسلێ گشتی یێ وه‌لاتێ فره‌نسا ل هه‌ولێرێ و هه‌ردو په‌رله‌مانته‌رێن لژنا كۆچ و كۆچبه‌ران ل په‌رله‌مانێ فره‌نسا (سێبستیان) و (سونیا) و شاندێ د گه‌ل دا كر.
د هه‌ڤدیتنه‌كێ دا به‌حسێ په‌یوه‌ندیێن دێرین د ناڤبه‌را وه‌لاتێ فره‌نسا و هه‌رێما كوردستانێ دا و ره‌وشا ئاواره و په‌نابه‌ران ل سنوورێ پارێزگه‌هێ و ئه‌و هاریكاریێن حوكمه‌تا هه‌رێمێ و حوكمه‌تا فره‌نسا پێشكێشی وان دكه‌ن ب گشتی هاته كرن.
قۆنسلێ فره‌نسا و شاندێ په‌رله‌مانێ فره‌نسا دیار كر كو ئه‌و هاتینه دا ژ نێزیك ره‌وشا ئاواره و په‌نابه‌ران ل پارێزگه‌ها دهۆكێ بزانن و راپۆرته‌كا تێر و ته‌سه‌ل ل سه‌ر چێكه‌ن و بگه‌هیننه لژنا كۆچ و كۆچبه‌ران ل په‌رله‌مانێ فره‌نسا بۆ وێ یه‌كێ هاریكاریێن پێدڤی بۆ ئاواره و په‌نابه‌ران ل پارێزگه‌ها دهۆكێ بهێنه دابینكرن.
پارێزگارێ دهۆكێ په‌سنا رۆلێ حوكمه‌ت و گه‌لێ فره‌نسا كر، ل هه‌مبه‌ر هه‌بوونا په‌یوه‌ندیێن دێرین د ناڤبه‌را هه‌ردو وه‌لاتان دا، هه‌روه‌سا سوپاسیا حوكمه‌تا فره‌نسا كر كو به‌رده‌وام هاریكاریا خوه‌جهێن ده‌ڤه‌رێ و ئاواره و په‌نابه‌ران دكه‌ت و خواست كو ئاستێ هاریكاریێن مرۆڤایه‌تی بهێته زێده‌كرن، چونكو ئه‌و رێژا زێده یا ئاواره و په‌نابه‌ران گڤاشتنێن به‌رده‌وام دئێخنه سه‌ر بیاڤێن خزمه‌تگۆزاری و ره‌وش د خوازیت
پتر هاریكاری بهێته كرن.
هه‌ژی گوتنێ یه؛ هه‌تا نوكه ژی 20 كه‌مپێن ئاواره و په‌نابه‌ران ل سنوورێ پارێزگه‌ها دهۆكێ هه‌نه.
